Job Alert : Civil Judge पदांच्या रिक्त जागांसाठी अधिसूचना जारी; ‘या’ तारखेपर्यंत करु शकता अर्ज, जाणून घ्या सविस्तर

जर तुम्ही कायद्याचं शिक्षण पूर्ण केलं आहे आणि आता तुम्ही सरकारी नोकरीच्या शोधात आहात तर ही बातमी तुमच्यासाठीच आहे. उच्च न्यायालयाने Civil Judges म्हणजे ज्युनिअर डिव्हिजन पदांच्या भरतीसाठी उमेदवारांकडून अर्ज मागवले आहेत.

• उच्च न्यायालयाने Civil Judges  पदांसाठी भरती
• एकूण किती पदं भरली जाणार?
• नेमकी कधीपर्यंत अर्ज सादर करण्याची मुभा आहे?

Civil Judge Recruitment : जर तुम्ही कायद्याचं शिक्षण पूर्ण केलं आहे आणि आता तुम्ही सरकारी नोकरीच्या शोधात आहात तर ही बातमी तुमच्यासाठीच आहे. उच्च न्यायालयाने Civil Judges म्हणजे ज्युनिअर डिव्हिजन पदांच्या भरतीसाठी उमेदवारांकडून अर्ज मागवले आहेत. या भरती प्रक्रियेद्वारे पात्र उमेदवारांची निवड केली जाणार असून, नेमकी कधीपर्यंत अर्ज सादर करण्याची मुभा आहे? जाणून घेऊयात सविस्तर

NEET UG 2026: सिटी इंटिमेशन स्लिप निर्गमित, असे तपासा तुमचे ‘परीक्षा शहर’, एका क्लिकवर

एकूण किती पदं भरली जाणार?

बिहार लोकसेवा आयोगाने विधी अभ्यासक्रम पूर्ण करणाऱ्या उमेदवारांसाठी एक महत्त्वपूर्ण संधी जाहीर केली आहे. या भरती प्रक्रियेअंतर्गत, दिवाणी न्यायाधीशांची एकूण १७३ पदे भरली जाणार आहेत. त्यानुसार, इच्छुक उमेदवार ३० एप्रिल २०२६ पर्यंत ऑनलाईन अर्ज करू शकतात. या भरतीमध्ये एकूण १७३ पदांचा समावेश असून, ही पदे विविध प्रवर्गांमध्ये विभागून देण्यात आली आहेत.
विशेषतः, ६९ पदे सामान्य प्रवर्गासाठी, १७ पदे EWS साठी, २८ पदे SC साठी आणि २ पदे ST साठी निश्चित करण्यात आली आहेत. याव्यतिरिक्त, ३६ पदे ‘अत्यंत मागास प्रवर्गासाठी’ (EBC) आणि २१ पदे ‘मागास प्रवर्गासाठी’ (BC) राखीव ठेवण्यात आली आहेत.

शिक्षण

या पदांसाठी अर्ज करणाऱ्या उमेदवारांकडे मान्यताप्राप्त विद्यापीठाची कायद्याची पदवी असणे अनिवार्य आहे. याव्यतिरिक्त, उमेदवारांकडे वकील म्हणून वकिली व्यवसायाचा किमान ३ वर्षांचा अनुभव असणे आवश्यक आहे. ‘लॉ क्लर्क’ (Law Clerk) म्हणून काम करताना मिळवलेला अनुभव देखील ग्राह्य धरला जाऊ शकतो.

वयोमर्यादा

अर्जदारांनी किमान २२ वर्षांची वयोमर्यादा पूर्ण केलेली असणे आवश्यक आहे. सर्वसाधारण प्रवर्गातील म्हणजेच General Category पुरुष उमेदवारांसाठी कमाल वयोमर्यादा ३५ वर्षे निश्चित करण्यात आली आहे. तथापि, महिला उमेदवार आणि राखीव प्रवर्गातील उमेदवारांना वयोमर्यादेत सवलत दिली जाईल, ज्यामुळे त्यांच्यासाठी कमाल वयोमर्यादा ४० वर्षांपर्यंत वाढवली जाईल.

निवड प्रक्रिया

निवड प्रक्रिया अनेक टप्प्यांत पार पाडली जाणार आहे. सर्वप्रथम, एक परीक्षा घेतली जाईल. या परीक्षेत पात्र ठरणाऱ्या उमेदवारांना मुख्य परीक्षेला बसण्याची संधी दिली जाईल. ही परीक्षा उत्तीर्ण होणाऱ्या उमेदवारांना मुलाखतीसाठी बोलावले जाईल. पण अंतिम टप्प्यामध्ये मुलाखत आणि कागदपत्रांची पडताळणी यांचा समावेश असणार आहे.

अर्ज कसा करावा

पहिल्यांदा अधिकृत संकेतस्थळाला भेट द्या: bpsc.bih.nic.in.
नंतर Homepage वर जाऊन आणि ‘Apply Online’ या Link क्लिक करा.
जर आपण यापूर्वी अर्ज केला नसेल, तर कृपया सर्वप्रथम नोंदणी प्रक्रिया पूर्ण करा.
नोंदणी केल्यानंतर, लॉग-इन करा आणि विचारलेली सर्व माहिती भरा.
अर्ज शुल्क भरा आणि अर्ज सादर करा.

RTE प्रवेश : बुलढाण्यात २८०१ विद्यार्थ्यांची निवड; १० ते २० एप्रिलदरम्यान प्रवेश निश्चित करण्याचे आवाहन