सोमवार, 9 नोव्हेंबर 2026
(फोटो सौजन्य-Gemini)
Google आणि YouTube यांनी ‘इंडियन इन्स्टिट्यूट ऑफ क्रिएटिव्ह टेक्नॉलॉजी’ (IICT) च्या सहयोगाने एक AI प्रशिक्षण कार्यक्रम सुरू केला आहे. या उपक्रमांतर्गत, सहभागी तरुणांना दरमहा ₹१५,००० ची शिष्यवृत्ती देखील दिली जाणार आहे.
या कार्यक्रमांतर्गत, युवकांना क्रीएटीव्ह कौशल्ये शिकण्याची संधी मिळणार आहे. व्हिडिओ बनवण्यापासून, ॲनिमेशन आणि गेमिंग यांसारख्या क्षेत्रांमध्ये टेक्नॉलॉजीचं कौशल्य मिळणार आहे. हे प्रशिक्षण मीडिया, ॲनिमेशन, VFX, गेमिंग आणि डिजिटल स्टोरीटेलिंग या बाबींवर फोकस करणार आहे.
कंटेंट निर्मिती क्षेत्रात येणाऱ्यांसाठी ही एक सुवर्णसंधी आहे. या उपक्रमाचा विशेषतः अशा विद्यार्थ्यांना लाभ होणार आहे, ज्यांना भविष्यात कंटेंट निर्मिती क्षेत्रात करिअर करायचं आहे किंवा प्रसारमाध्यमांशी संबंधित क्षेत्रांमध्ये काम करण्याची इच्छा आहे.
महत्त्वाचं म्हणजे हा कोर्स दोन टप्प्यांत पूर्ण केले जाईल. पहिल्या टप्प्यात, सहभाग घेणाऱ्यांना ‘कृत्रिम बुद्धिमत्ते’शी म्हणजेच AI संबंधित मूलभूत ज्ञान दिले जाणार आहेत. यामध्ये ‘गुगल करिअर सर्टिफिकेशन्स’ (Google Career Certificates) आणि ‘गुगल क्लाउड’द्वारे (Google Cloud) उपलब्ध करून दिलेल्या AI अभ्यासक्रमांचा समावेश असणार आहे. दुसरीकडे, दुसरा टप्पा पूर्णपणे प्रात्यक्षिक स्वरूपाचा असेल. या टप्प्यादरम्यान, तरुण सहभागींना विविध प्रकल्पांवर काम करण्याची संधी मिळेल. याव्यतिरिक्त, त्यांना AI टूल्स (साधने) वापरण्याचा प्रत्यक्ष अनुभव मिळणार आहे. इतकच नाही तर, YouTube सारख्या प्लॅटफॉर्म्सवर वेगाने प्रगती करण्यासाठी आवश्यक असलेल्या टिप्स आणि रणनीतींचे मार्गदर्शनही त्यांना मिळेल. या कार्यक्रमाचे एक प्रमुख वैशिष्ट्य म्हणजे, हे प्रशिक्षण ‘ऑनलाइन’ पद्धतीने आणि देशभरातील प्रमुख शहरांमध्ये ‘ऑफलाइन’ पद्धतीने, अशा दोन्ही प्रकारे आयोजित केले जाणार आहे.
भारतात Digital Creators कमतरता नाही; पण त्यांची गुणवत्ता आणि उत्पन्नाची पातळी यामध्ये तफावत आढळते. AI प्रशिक्षणाच्या मदतीने निर्माते आपल्या कामाची गुणवत्ता उंचावू शकतात, ज्यामुळे अर्थव्यवस्थेला मोठी चालना मिळणार आहे.
