Marathi News »
Career »
Vacancies For 400 Posts In Iocl Golden Employment Opportunity For Youth

IOCL मध्ये ४०० पदांसाठी जागा रिक्त; तरुणांसाठी रोजगाराची सुवर्णसंधी

इंडियन ऑइल कॉर्पोरेशन लिमिटेड (IOCL) मध्ये विविध पदांसाठी एकूण ४०० जागा शिल्लक आहेत. या पदांसाठी IOCL तरुणांची नेमणूक करणार आहे. इच्छुक उमेदवारांनी लवकरत लवकर अर्ज करण्याचे निर्देश IOCL ने जारी केले आहे.

By दिवेश चव्हाण

Updated On: Aug 04, 2024 | 02:41 PM

फोटो सौजन्य - Social Media

इंडियन ऑइल कॉर्पोरेशन लिमिटेड (IOCL) ने युवकांसाठी रोजगाराची सुवर्णसंधी आणली आहे. IOCL मध्ये काम करू पाहणाऱ्या अनेक तरुणांना या संधीचे सोने करता येणार आहे. एकूण ४०० पदांसाठी भरतीप्रक्रिया सुरु केली गेली असून यात ट्रेड, टेक्निशियन तसेच ग्रॅज्युएट अप्रेन्टिसचा समावेश असणार आहे. सदर पदांसाठी इच्छुक असणाऱ्या उमेदवारांनी लगेच अर्ज करावे असे निर्देश IOCLने जारी केले आहेत. अर्ज प्रक्रियेला सुरुवात झाली असून ऑगस्टच्या १९ तारखेपर्यंत अर्ज करता येणार आहे. अर्ज करण्याची प्रक्रिया पूर्णपणे ऑनलाईन आहे. एकंदरीत, अर्ज करण्यासाठी उमेदवारांना इंडियन ऑइल कॉर्पोरेशन लिमिटेड (IOCL) च्या अधिकृत संकेतस्थळाला ( iocl.com ) भेट द्यावी लागेल. या संकेतस्थळावर रिक्रुटमेंटबद्दल विस्तारित माहिती मिळून जाईल.

अर्ज करण्यापुर्वी उमेदवारांनी IOCL ने जारी केलेल्या अटींची पूर्तता करणे आवश्यक आहे. वयोमर्यादेत काही अटीशर्ती लागू आहेत कि अर्जकर्त्या उमेदवाराचे वय १८ वर्षे ते २४ वर्षे दरम्यान असावे. उमेदवाराचे आयटीआय, डिप्लोमा किंवा पदांच्या संबंधित असणारे शिक्षण झाले असावे, तरच उमेदवाराला अर्ज करता येणार आहे. आरक्षित प्रवर्गातील उमेदवारांसाठी वयोमर्यादा काही प्रमाणात शिथिल केले आहेत. जर उमेदवार एससी/ एसटी प्रवर्गातील सूट असेल तर त्यांना अधिक ५ वर्षापर्यंतची सूट आहे. तर ओबीसी परवर्गातील उमेदवारांना अधिक ३ वर्षांपर्यंतची सूट आहे. पीडब्ल्यूबीडी आरक्षित प्रवर्गातील उमेदवारांना अधिक १० वर्षापर्यंतची सूट आहे. निवड प्रक्रियेत लिखित परीक्षा तसेच मुलखतीचा समावेश आहे.

अर्ज करण्यासाठी खालील टप्प्यांचे अनुसरण करा.

इंडियन ऑइल कॉर्पोरेशन लिमिटेड (IOCL) च्या अधिकृत संकेतस्थळाला iocl.com भेट द्या.
IOCL Recruitment 2024 या लिंकवर क्लिक करा.
New Registration वर क्लिक करा.
मागितलेली आवश्यक माहिती देऊन स्वतःला रजिस्टर करा.
ईमेलवर लॉगिन माहिती प्राप्त झाल्यावर साईट लॉगिन करा.
अर्जप्रक्रिया पूर्ण करा. (अर्जशुल्क आकारले जाणार नाही.)
फॉर्म डाउनलोड करून त्याची एक प्रत भविष्यासाठी स्वतःजवळ ठेवा.