शुक्रवार, 23 ऑक्टोबर 2026
संग्रहित फोटो
पोलिसांनी दिलेल्या माहितीनुसार, फिर्यादी आणि त्यांचे मित्र हर्षद पवार हे रस्त्याने जात असताना आरोपी करण साठे याच्यासोबत झालेल्या जुन्या वादाच्या कारणावरून त्यांना शिवीगाळ व लाथाबुक्क्यांनी मारहाण करण्यात आली. फिर्यादी व त्यांचा मित्र जीव वाचवून पळत असताना आरोपींनी पाठलाग करून दोघांना पकडले. करण साठेच्या एका साथीदाराने हातातील कड्याने फिर्यादीच्या डोक्यात मारहाण केली, तर दुसऱ्या साथीदाराने सिमेंटचा पेव्हर ब्लॉक मारून दुखापत केली. तसेच करण साठे याने धारदार शस्त्राने हर्षद याच्या डोक्यात व पाठीवर वार करून खूनाचा प्रयत्न केला. निगडी पोलीस तपास करत आहेत.
१६ वर्षीय मुलावर कोयत्याने हल्ला
मोबाईलवर ठेवलेल्या ‘King Is Back’ या स्टेटसच्या कारणावरून तळेगाव दाभाडे येथे एका १६ वर्षीय मुलावर कोयत्याने हल्ला केल्याची धक्कादायक घटना समोर आली आहे. शिवाजी चौक परिसरातील कपड्याच्या दुकानात घुसून तीन जणांनी या मुलावर कोयत्याने वार केले आहेत. या हल्ल्यात मुलगा जखमी झाला असून, त्याची प्रकृती स्थिर असल्याची माहिती पोलिसांनी दिली. या घटनेचा थरारक प्रकार सीसीटीव्ही कॅमेऱ्यात कैद झाल्याचे सांगण्यात येत आहे. संबंधित अल्पवयीन मुलाने काही महिन्यांपूर्वी हत्येच्या गुन्ह्यात सहभागी असलेल्या आणि सुधारगृहातून बाहेर आलेल्या एका अल्पवयीन मुलासोबत फोटो काढला होता. त्यानंतर त्याने ‘King Is Back’ असे स्टेटस मोबाईलवर ठेवले होते. या स्टेटसमुळे पूर्वीच्या हत्येच्या घटनेत मृत्यू झालेल्या तरुणाच्या मित्रांमध्ये नाराजी निर्माण झाली होती, अशी माहिती समोर आली आहे. याच रागातून संबंधित मुलावर हल्ला करण्यात आल्याचे सांगितले जात आहे. मात्र, या हल्ल्यामागील नेमके कारण आणि घटनाक्रम याबाबत पोलिसांकडून तपास सुरू आहे.
हे सुद्धा वाचा : अमरावतीत खळबळ! पत्नीचा स्कार्फने गळा आवळून खून; धक्कादायक कारणही आलं समोर
Ans: आकुर्डी येथे आयमॅक्स ऑप्टीशियनसमोर ही घटना घडली.
Ans: २१ ऑक्टोबर रोजी रात्री १० वाजता हल्ला झाला.
Ans: करण साठे याला निगडी पोलिसांनी अटक केली.
