शुक्रवार, 23 ऑक्टोबर 2026
फोटो सौजन्य सोशल मीडिया
टू व्हीलरपासून फोर व्हीलरपर्यंत जवळपास सर्वच श्रेणींमध्ये ग्राहकांची गर्दी दिसत आहे.
२०२६मध्ये आतापर्यंत जिल्ह्यात १,४६,८६२ वाहनांची नोंदणी झाली आहे. मागील वर्षभरात १,७१,४७४ वाहने विकली गेली होती. विशेष म्हणजे यंदाच्या आकडेवारीत अद्याप दिवाळीच्या विक्रीचा समावेश झालेला नाही. त्यामुळे आगामी दिवसांत वाहन विक्रीचा आकडा आणखी वाढण्याची शक्यता आहे. वाहन खरेदीसाठी ऑक्टोबर आणि नोव्हेंबर हे सर्वाधिक महत्त्वाचे महिने मानले जातात.
मागील वर्षी दसरा आणि दिवाळी एकाच महिन्यात आल्याने ऑक्टोबरमध्येच
२२,५००हून अधिक वाहनांची विक्री झाली होती. यंदा दोन्ही सण वेगवेगळ्या महिन्यांत असल्याने दिवाळीच्या विक्रीची
स्वतंत्र लाट येणार आहे. दसऱ्यादरम्यान मिळालेला प्रतिसाद पाहता डीलर्सच्या अपेक्षा उंचावल्या आहेत.
Nagpur News : बाजारपेठा गजबजल्या, वाहतूक कोंडीने रस्ते गुदमरले! वाहनांच्या गर्दीत नागरिकांची कसरत
विदर्भ ऑटो डीलर्स असोसिएशनचे अनुज पांडे यांच्या मते, दिवाळीसाठी वाहनांची बुकिंग मोठ्या प्रमाणावर सुरू आहे. टू व्हीलर आणि फोर व्हीलर या दोन्ही विभागांमध्ये ग्राहकांचा प्रतिसाद समाधानकारक आहे. अनेक डीलर्सकडे वाहनांची बुकिंग आधीच झालेली असून काही लोकप्रिय मॉडेल्सचा स्टॉकही कमी पडू लागला आहे. त्यामुळे दिवाळीच्या मुहूर्तावर वाहनाची डिलिव्हरी हवी असल्यास ग्राहकांनी आधीच बुकिंग करणे आवश्यक ठरणार आहे.
जिल्ह्यातील वाहन बाजाराची गेल्या काही वर्षांची आकडेवारीही वाढीचा कल स्पष्ट करते. एमएच-४९ मध्ये सर्वाधिक वाहनांची नोंदणी होत असून २०२३ मध्ये या आरटीओची वाढ ८ टक्के, २०२४मध्ये १२.६१ टक्के, तर २०२५मध्ये १३ टक्के राहिली. एमएच-४०ची वाढ अनुक्रमे १०.९० टक्के, १०.७० टक्के आणि १३.४४ टक्के नोंदविण्यात आली.
यंदा १९ ऑक्टोबरपर्यंतच जिल्ह्यातील वाहन विक्रीने २०२३ चा संपूर्ण आकडा मागे टाकला आहे. त्यामुळे दिवाळीनंतर एकूण विक्री किती उंची गाठते, याकडे आता वाहन व्यावसायिकांचे लक्ष लागले आहे. सध्याचा ट्रेंड कायम राहिल्यास ऑटोमोबाईल बाजार यंदाही दुहेरी अंकातील वाढ नोंदवेल, असा विश्वास व्यक्त केला जात आहे.
Mohan Bhagwat: ‘बांगलादेशप्रमाणे भारतातही प्रयत्न…’, रिजीम चेंजबाबत मोहन भागवतांचे परखड मत
यंदाच्या बाजाराचे आणखी एक वैशिष्ट्य म्हणजे कंपन्यांकडून मोठ्या सवलती किंवा आकर्षक ऑफर देण्याची गरजच भासत नाही. ग्राहकांकडून वाहनांना मिळणारा प्रतिसाद पाहता कंपन्या आणि डीलर्सनी मॉडेलची वैशिष्ट्‌ये व उत्पादनाची गुणवत्ता यावर अधिक भर दिला आहे. मागणी मजबूत असल्याने अनेक बँडच्या वाहनांवर मागील वर्षांप्रमाणे मोठ्या सवलती उपलब्ध नाहीत.
