सोमवार, 2 नोव्हेंबर 2026
संग्रहित फोटो
मिळालेल्या माहितीनुसार, दिनेश जोंधळे हा व्यसनाधीन असून पत्नीच्या चारित्र्यावर संशय घेऊन तिच्याशी नेहमी वाद घालत होता. याच संशयातून त्यांच्यात वारंवार भांडणे होत असत. दरम्यान, रविवारी पहाटे ४ ते ५ वाजताच्या सुमारास दोघेही घरात झोपलेले असताना दिनेशने कुऱ्हाडीने पत्नी शारदा हिच्या मानेवर वार केले. या हल्ल्यात तिचा जागीच मृत्यू झाला. त्यानंतर आरोपी घरातून पसार झाला. या दाम्पत्याला २ विवाहित मुली आणि १५ वर्षांचा मुलगा आहे.
घटनेच्या रात्री मुलगा आणि मुलगी घरासमोर असलेल्या आजी-आजोबांच्या स्वतंत्र घरात झोपण्यासाठी गेले होते. सकाळी आई-वडील अद्याप उठले नसल्याने मुलगी त्यांना पाहण्यासाठी घरी गेली. दरवाजा उघडा असल्याने आत जाऊन पाहिले असता आई रक्ताच्या थारोळ्यात मृतावस्थेत पडलेली दिसली, तर वडील घरातून गायब असल्याचे निदर्शनास आले. त्यानंतर हत्येचा प्रकार उघडकीस आला. घटनेची माहिती मिळताच ठाणेदार गणेश हिवरकर, हवालदार रतन बावस्कर तसेच पोलिस कर्मचारी अमोल पाटील, विनोद दामोदर आणि सलीम शेख यांनी तपासाची चक्रे फिरवून पसार आरोपीचा शोध घेतला. आरोपी पतीला पोलिसांनी अटक केली आहे.
पुण्याच्या भवानी पेठेत रक्तरंजित थरार!
रिक्षाचालक तरुणाच्या डोक्यात दगड घालून खून करण्यात आल्याची घटना भवानी पेठेतील काशेवाडी परिसरात घडली आहे. याप्रकरणी खडक पोलिसांनी एकाविरुद्ध गुन्हा दाखल केला आहे. अस्लम युसूफ खान (वय ३०, रा. चमनशहा दर्ग्याजवळ, काशेवाडी, भवानी पेठ) असे खून झालेल्या तरुणाचे नाव आहे. याप्रकरणी एकाविरुद्ध गुन्हा दाखल करण्यात आला आहे. याबाबत खान याचा मोठा भाऊ मुझ्झमील (वय ३३, रा. चमनशहा दर्ग्याजवळ, काशेवाडी, भवानी पेठ) यांनी खडक पोलिस ठाण्यात तक्रार दिली आहे.
Ans: शारदा दिनेश जोंधळे (वय ३५) असे हत्या झालेल्या महिलेचे नाव आहे.
Ans: पत्नीच्या चारित्र्यावर संशय घेऊन आरोपी दिनेश जोंधळे (वय ३९) तिच्याशी वारंवार वाद घालत होता. याच संशयातून त्याने झोपेत असलेल्या पत्नीच्या मानेवर कुऱ्हाडीने वार करून तिची हत्या केली.
Ans: पत्नीची हत्या केल्यानंतर पसार झालेल्या दिनेश जोंधळे याला जऊळका पोलिसांनी मालेगाव शहरातून शोधून अटक केली.
