पुण्यात पैशाच्या व्यवहारातून तरुणाचे अपहरण करुन मारहाण; कारमध्ये जबरदस्तीने बसवले अन्…

पैशांच्या व्यवहारातून तरुणाचे अपहरण करीत त्याला बेदम मारहाण करीत जखमी करणाऱ्या टोळक्याला डेक्कन पोलिसांनी बेड्या ठोकल्या आहेत. ही घटना ७ ते ८ सप्टेंबर कालावधीत जंगली महाराज रोड ते पिंपळे गुरव यादरम्यान घडली आहे.

• पैशाच्या व्यवहारातून तरुणाचे अपहरण
• पुण्यातील घटनेनं खळबळ
• दंडावर शस्त्राने वार करून केले जखमी

पुणे : पैशांच्या व्यवहारातून तरुणाचे अपहरण करीत त्याला बेदम मारहाण करीत जखमी करणाऱ्या टोळक्याला डेक्कन पोलिसांनी बेड्या ठोकल्या आहेत. ही घटना ७ ते ८ सप्टेंबर कालावधीत जंगली महाराज रोड ते पिंपळे गुरव यादरम्यान घडली आहे. टोळक्याने मोटारीतून संबंधित तरुणाचे अपहरण करीत त्यांच्या दंडावर शस्त्राने वार केला केला. त्यानंतर त्यांच्याकडील किंमती ऐवज काढून घेत जीवे मारण्याची धमकी दिल्याचे उघडकीस आले आहे.

गौरव रमेश कांबळे (वय ३० रा. गंजपेठ) समीर सुनील मेहता (वय ३८, रा. शुक्रवार पेठ) रियान रफिक शेख (वय ५४ रा. गंजपेठ) संदीप निवृत्ती गावडे (वय ४५, रा. गंजपेठ) अशी अटक केलेल्यांची नावे आहेत. त्यांच्या दोन साथीदारांचा पोलिसांकडून शोध घेतला जात आहे. संदीप सिताराम मेंगडे (वय ३६ रा. शिवणे, पुणे) असे अपहणातून सुटका झालेल्याचे नाव आहे. त्यांनी डेक्कन पोलीस ठाण्यात तक्रार दाखल केली आहे.

हे सुद्धा वाचा : आदिवासी शेतकऱ्यांना मोठा दिलासा! स्ट्रॉबेरी लागवडीसाठी ४ कोटी ९६ लाखांचा निधी मंजूर; दिलीप वळसे पाटील यांची माहिती

तक्रारदाराची आरडाओरड

मिळालेल्या माहितीनुसार, तक्रारदार संदीप मेंगडे हे शिवणे परिसरात राहायला असून, आरोपींपैकी एकासोबत त्यांचे आर्थिक देवाण-घेवाण झाली होती. त्यामुळे टोळक्याने त्यांना (दि. ७ सप्टेंबर) जंगली महाराज रोड परिसरात बोलावून घेत मारहाण केली. त्यामुळे टोळक्याने त्यांना जबरदस्तीने मोटारीत बसवून गंजपेठ परिसरात नेउन अपहरण केले. त्याठिकाणी त्यांना मारहाण करीत दोन मोबाइल, चांदीची चैन, पैशांचे पाकिट काढून घेतले. त्यानंतर टोळक्याने पुन्हा त्यांना जबरदस्तीने मोटारीत बसवून पिपळे गुरव परिसरात नेउन मित्राच्या घरी मारहाण केली. आरोपी गौरव कांबळे याने संदीपच्या दंडावर शस्त्राने वार करून जखमी केले. त्यामुळे तक्रारदार आरडाओरड करु लागल्याने टोळक्याने त्यांना जीवे मारण्याची धमकी दिली. पोलिस निरीक्षक रणजितसिंग परदेशी तपास करत आहेत.

हे सुद्धा वाचा : मावळातील भाजे ग्रामपंचायतीला मोठा धक्का, सरपंच, उपसरपंचांसह सहा सदस्य अपात्र; जिल्हाधिकाऱ्यांचा आदेश

गांजा ओढणाऱ्यांनी रेल्वे पोलिसाचा चाकूने गळा चिरला

रेल्वे पटरीवर सातत्याने गांजा ओढणाऱ्या तरुणांनी रागातून रेल्वे पोलिसाला (जीआरपीएफ) अडवून गळा चिरल्याची धक्कादायक घटना घडली आहे. एकाने गळ्यावर तसेच दुसऱ्याने छातीवरून चाकूने वार केले. नंतर तिसऱ्याने डोक्यात दगडही घातल्याचे समोर आले आहे. ही घटना उपविभागीय पोलिस अधिकारी कार्यालयासमोरील रस्त्यावरच रात्री साडे आठच्या सुमारास घडली आहे. दरम्यान, पसार झालेल्या आरोपींना बंडगार्डन पोलिसांनी अटक केली. तर दोन अल्पवयीन मुलांना पकडले आहे.