जुन्या किरकोळ कारणावरून तरुणाचा खून, आईने आरडाओरड केली पण...; नांदेड जिल्ह्यातील घटनेनं खळबळ
पोलिसांनी दिलेल्या माहितीनुसार, आकाश दवणे हा रात्री घराकडे जात असताना जुन्या किरकोळ कारणावरून त्याला शिवीगाळ करण्यात आली. घरी आल्यानंतर त्याने हा प्रकार आई व भावाला सांगितला. त्यानंतर पुन्हा सावते यांचा फोन आल्याचे सांगण्यात येते. यावेळी आकाशने आपण येथे थांबलो असल्याचे सांगितल्यानंतर त्याला बुद्ध विहाराजवळ थांबण्यास सांगण्यात आले. यानंतर आकाश हा बुद्ध विहाराजवळ गेला. त्याच्या मागोमाग आईही तेथे पोहोचली. त्यावेळी काही जणांनी आकाशवर हल्ला केल्याचे तक्रारीत नमूद आहे.
हल्ल्यात मयताची आई व भाऊही झाला जखमी
मुलावर हल्ला होत असल्याचे पाहून आईने आरडाओरड केली. मात्र, तोपर्यंत आकाश रक्तबंबाळ होऊन खाली कोसळला. हल्ल्यात त्याची आई व भाऊ यांनाही दुखापत झाली. या प्रकरणी आकाशच्या आईच्या फिर्यादीवरून भाग्यनगर पोलीस ठाण्यात एकूण आठ जणांविरुद्ध गुन्हा दाखल करण्यात आला आहे. त्यामध्ये नितीन सावते, कुणाल सावते, सिद्धाथ सावते, रोहित सावते, गंगाबाई सावते, संघमित्र नितीन सावते, प्रतीक मुनी आणि साहिल दूधमल यांचा समावेश आहे. यातील चौघांना पोलिसांनी ताब्यात घेतले असून, उर्वरित संशयितांचा शोध सुरू आहे. घटनेचा पुढील तपास भाग्यनगर पोलीस करीत आहेत.
मारहाण करून बापाने मुलाला संपवलं
दारूच्या आहारी गेलेला मुलगा दररोज वाद घालत असल्याच्या रागातून वडिलांनी मुलाचा गळा आवळून तसेच मारहाण करून खून केल्याची धक्कादायक घटना उघडकीस आली आहे. वारजे माळवाडी परिसरात ही घटना घडली असून, याप्रकरणी वडिल तसेच आईला पोलिसांनी अटक केली आहे. महेश भागवत गायकवाड (वय ३०) असे खून झालेल्या तरुणाचे नाव आहे. याप्रकरणी भाऊ गणेश भागवत गायकवाड (वय ३४) यांनी पोलिसांकडे तक्रार दिली आहे. त्यानुसार भागवत सूर्यभान गायकवाड (वय ६४), पार्वती भागवत गायकवाड (वय ६०) आणि आणखी एका व्यक्तीविरोधात गुन्हा दाखल करण्यात आला आहे. वडिल भागवत व आई पार्वती यांना अटक केली आहे.
.png "Videos"){kind=small}
