Thane Crime: भिवंडी शहर हादरवून टाकणारी एक धक्कादायक घटना समोर आली आहे. भिवंडीच्या इदगाह रोड परिसरातील खाडीत एका अज्ञात महिलेचा गळा चिरलेल्या अवस्थेत सापडला. या घटनेमुळे परिसरात एकच खळबळ उडाली असून नागरिकांमध्ये भीतीचे वातावरण निर्माण झाले आहे. शुक्रवारी सकाळी स्थानिक नागरिकांनी पाण्यावर तरंगत असलेली वस्तू दिसली. जवळ जाऊन पाहिल्यानंतर ती वस्तू एका महिलेचे शीर असल्याचे समोर आले आहे. याची माहिती तात्काळ पोलीसांना देण्यात आली आहे. याघटनेची माहिती मिळताच भोईवाडा पोलीस घटनास्थळी दाखल झाले आणि पंचनामा सुरू केला.
Dombivali Crime: संतापजनक! सोशल मीडियावरून जाळ्यात ओढलं, अश्लील व्हिडीओ काढले आणि व्हायरल केले…
पुढे आलेल्या माहितीनुसार, महिलेचे वय साधारण 25 ते 26 वर्षांच्या दरम्यान असल्याचे सांगितले जात आहे. मात्र अद्याप तिची ओळख पटलेली नाही. तिच्या अंगावरील कपडे अथवा दागिने यामुळेही ओळख पटवणे शक्य झालेले नाही आहे. महिलेच्या शिराला शवविच्छेदनासाठी उपजिल्हा पाठवण्यात आले आहे. महिलेचं शीर नेमकी कुठून आलं? महिलेची हत्या कुठे झाली? मृतदेहाचा उर्वरित भाग कुठे आहे? ही हत्या कुणी व कोणत्या कारणासाठी केली? या सर्व प्रश्नांची उत्तरे अद्याप मिळालेली नाही आहे. पोलीस आसपासच्या पोलीस ठाण्यांमध्ये दाखल झालेल्या व हरवलेल्या महिलांच्या नोंदींची छाननी केली जात आहे. खाडीजवळील परिसरातील सीसीटीव्ही फुटेज मिळवण्याचाही प्रयत्न पोलिसांकडून सुरू आहे. या घटनेने परिसरात भीती व अस्वस्थता पसरली आहे.
पोलीस आरोपींचा शोध घेण्यासाठी पोलीस पथकांनी जाळे पसरवले आहे. या घटनेमुळे भिवंडी शहरात मोठी खळबळ उडाली असून, पोलिसांचा तपास लागोपाठ सुरू आहे. महिलेची ओळख पटविणे आणि आरोपींना गजाआड करणे हे पोलीसांसमोरील मोठे आव्हान ठरले आहे.
पिंपरी चिंचवड हादरलं! प्रेयसीच्या कुटुंबाचा लग्नाला विरोध, ११ जणांनी मिळून प्रियकराची केली हत्या
पिंपरी चिंचवडमधून एक धक्कादायक घटना समोर आली आहे. २६ वर्षीय तरुणाची ११ जणांनी बेदम मारहाण करून निर्घृण हत्या केल्याचे समोर आले आहे.
मृत तरुणाच्या प्रेयसीच्या कुटुंबांचा लग्नाला विरोध होता. त्यातून ही हत्या झाल्याचे समोर आले आहे. या प्रकरणी पिंपरी चिंचवड पोलिसांनी ११ आरोपींविरुद्ध कट रचून खुनाचा गुन्हा दाखल केला आहे. आतापर्यंत ९ जणांना पोलिसांनी अटक केली आहे. मृतकाचे नाव रामेश्वर घेंगट असे आहे
