Delhi Crime: बायको की हैवान! पहिले दिली गोळी, मग दिला करंट अन् दोरीने घोटला गळा; नवऱ्याचा घेतला जीव

Delhi Crime: दिल्लीतील हौझ खासमध्ये एका पत्नीने आपल्या पतीला अत्यंत क्रूरपणे ठार मारले. तिने आधी त्याला झोपेच्या गोळ्या दिल्या, नंतर विजेचा धक्का दिला आणि मग दोरीने गळा दाबून त्याचा जीव घेतला.

• घोर कलियुग! तीन तऱ्हेने बायकोने केला नवऱ्याचा खून 

• पतीला अत्यंत क्रूरपणे मारले 

• दिल्लीतील हौझमधील भयानक घटना 

Delhi Crime: दक्षिण दिल्लीतील संगम विहार पोलीस ठाण्याच्या पोलीस पथकाने एका खून प्रकरणात खळबळजनक खुलासा केला आहे. दिल्लीत भयानक घटना घडली असून मृत मुन्नालालच्या मृत्यूच्या प्रकरणात, पोलिसांनी खुलासा केला आहे. पोलिसांनी सांगितले की, मुन्नालालची पत्नी मंजू आणि तिच्या प्रियकराने त्याला मारण्यासाठी एका माणसाला सुपारी दिली होती. मंजू, तिचा प्रियकर आणि आणखी एका आरोपीला अटक करण्यात आली आहे. पोलिसांनी केलेल्या तपासात असे निष्पन्न झाले आहे की, पतीच्या हत्येचा हा भयानक कट मंजूनेच रचला होता. तिने आधी त्याला झोपेच्या गोळ्या दिल्या आणि नंतर विजेचा शॉक दिला. जेव्हा मुन्नालालचा मृत्यू झाला नाही, तेव्हा तिने दोरीने त्याचा गळा दाबून खून केला.

५ लाखांची सुपारी 

दिल्ली पोलिसांनी सांगितले की, मंजूला तिचा पती मुन्नालालच्या हत्येसाठी ५ लाख रुपयांची सुपारी मिळाली होती आणि तिने खुनाचे पुरावे नष्ट करण्याचा प्रयत्न केला. धूर्त मंजूने पोलिसांना सांगितले की चोरांनी तिच्या पतीची हत्या केली आहे. घटनेच्या रात्री, मंजूने गुन्हा घडल्यानंतर लगेचच आरोपीला २०,००० रुपये दिले. या प्रकरणात, संगम विहार पोलीस स्टेशनचे एसएचओ गुरसेवक यांच्या पथकाने मृताच्या पत्नीसह तीन जणांना अटक केली असून, पोलिसांनी गुन्ह्यात वापरलेली दोरी आणि इतर वस्तूही जप्त केल्या आहेत. डीसीपी दक्षिण अनंत मित्तल यांनी आज एका पत्रकार परिषदेत संपूर्ण प्रकरणाचा खुलासा केला.

Delhi Crime : सोशल मीडिया प्रेमात विष कालवतोय! दिल्लीतील ३ तरुणींचा घेतला बळी, जोडीदारांनीच संपवलं

वाढते गुन्हे

गेल्या काही वर्षांमध्ये पत्नीने केलेल्या पतीच्या हत्येच्या अनेक केस समोर येत आहेत. सिया प्रकरण ताजे असतानाच आता दिल्लीतली ही भयंकर घटना समोर आली असून समाजातील गुन्ह्यांमध्ये झालेली वाढ दिसून येत आहे. इतकंच नाही तर महिला आता गुन्हा करण्यात आघाडीवर असल्याचेही समोर येत आहे. दरम्यान मंजूने आपला गुन्हा कबूल केला की नाही याबाबत अजून कोणतीही ठोस माहिती समोर आलेली नाही. मात्र पोलिसांनी याबाबत संपूर्ण माहितीचा खुलासा केला आहे. दरम्यान या सर्वांची कसून चौकशी सुरू आहे. 

Delhi Crime: ऑफिसमध्ये पार्टी, घरी जाण्यासाठी निघाली… काही तासांत नवविवाहितेचा संशयास्पद मृत्यू; 20 लाखांच्या हुंड्याचा आरोप