आधार-पॅनचा गैरवापर करून निर्माण केली कंपनी; वसमतमध्ये १०५ कोटींच्या व्यवहाराचा धक्कादायक प्रकार

अज्ञात आरोपींनी एका नागरिकाच्या आधार व पॅन कार्डाचा गैरवापर करून बनावट कंपनी स्थापन करत तब्बल १०५ कोटी ७९ लाख रुपये व्यवहार केल्याची बाब समोर आली आहे

Crime News : वसमत : शहरात आर्थिक फसवणुकीचा धक्कादायक प्रकार उघडकीस आला असून अज्ञात आरोपींनी एका नागरिकाच्या आधार व पॅन कार्डाचा गैरवापर करून बनावट कंपनी स्थापन करत तब्बल १०५ कोटी ७९ लाख रुपये व्यवहार केल्याची बाब समोर आली आहे. या प्रकरणामुळे शहरात खळबळ उडाली आहे. याप्रकरणी राजेश माधवसा दुमाने (वय ३७, व्यवसाय इलेक्ट्रकल दुकान) यांनी दिलेल्या तक्रारीवरून वसमत शहर पोलीस ठाण्यात गुन्हा क्रमांक ००१/२०२६ नुसार भारतीय न्याय संहितेच्या कलम ३१८(४), ३१९(२), ३३६ (२), ३३६ (३) व ३४० (२) अंतर्गत गुन्हा दाखल करण्यात आला आहे. (Nanded News)

पोलीस स्टेशन वसमत (शहर) जि. हिंगोली येथील तक्रारीनुसार आरोपींनी फिर्यादी यांच्या कागदपत्रांचा गैरवापर करून हैदराबाद येथील मियापूर परिसरात बनावट कंपनी स्थापन केली. या कंपनीच्या माध्यमातून १,०५,७९,४०,००२ रुपये व्यवहार करण्यात आले. तसेच फिर्यादी यांच्या बँक खात्यावर २३ कोटी ३० लाख रुपये संशयास्पद व्यवहार दाखवून संबंधित खाते होल्ड करण्यात आल्याचेही समोर आले आहे. हा प्रकार २९ जुलै २०२३ ते १ जानेवारी २०२६ या कालावधीत घडल्याचे सांगण्यात आले असून २८ मार्च २०२६ रोजी सायंकाळी याबाबत गुन्हा नोंदविण्यात आला.

हे देखील वाचा : नांदेडमध्ये राजकीय घडामोडींना वेग; विविध घटनांनी जोरदार गाजला आठवडा

तसेच फिर्यादी यांच्या बँक खात्यावर २३ कोटी ३० लाख रुपये संशयास्पद व्यवहार दाखवून संबंधित खाते होल्ड करण्यात आल्याचेही समोर आले आहे. हा प्रकार २९ जुलै २०२३ ते १ जानेवारी २०२६ या कालावधीत घडल्याचे सांगण्यात आले असून २८ मार्च २०२६ रोजी सायंकाळी याबाबत गुन्हा नोंदविण्यात आला. या प्रकरणाचा पुढील तपास हैदराबाद येथील पोलीस सायबराबादमधील मियापूर ठाण्याकडे वर्ग करण्यात आला असून आरोपी अद्याप अज्ञात आहेत. दरम्यान, या घटनेमुळे आधार व पॅन कार्ड सुरक्षेचा प्रश्न पुन्हा ऐरणीवर आला असून नागरिकांनी आपली वैयक्तिक कागदपत्रे सुरक्षित ठेवावीत तसेच संशयास्पद आर्थिक व्यवहारांबाबत सतर्क राहावे, असे आवाहन पोलिसांनी केले आहे.

हे देखील वाचा : “चीन घुसखोरी करताना मोदींची 56 इंच छाती जाते कुठे?” राष्ट्रीय काँग्रेस पक्षाच्या राष्ट्रीय प्रवक्त्यांची सणसणीत टीका

फसवणूक प्रकरणातील महत्त्वाचे मुद्दे

बनावट कंपनीमार्फत तब्बल १०५ कोटी ७९ लाख रुपयांचे व्यवहार करण्यात आले असून फिर्यादीच्या आधार व पॅन कार्डाचा गैरवापर करून ही कंपनी स्थापन करण्यात आली. संबंधित बँक खात्यावर २३ कोटी ३० लाख रुपयांचे संशयास्पद व्यवहार दाखवून खाते होल्ड करण्यात आले आहे. हा प्रकार २९ जुलै २०२३ ते १ जानेवारी २०२६ या कालावधीत घडला असून २८ मार्च २०२६ रोजी वसमत शहर पोलीस ठाण्यात गुन्हा नोंदविण्यात आला. आरोपी अद्याप अज्ञात आहे.