Mumbai Crime: पतीच्या क्रूरतेने मुंबई हादरली; पत्नीशी भांडण अन् ९ महिन्यांच्या बाळाला  उंचावरून फेकले

Mumbai Crime: मुंबईतील घाटकोपर रेल्वे स्टेशनबाहेरील स्कायवॉकवर एक अत्यंत थरारक अन् संतापजनक घटना घडली आहे! पती-पत्नीच्या वादातून एका निर्दयी बापाने आपल्याच ९ महिन्यांच्या पोटच्या गोळ्याला स्कायवॉकवरून खाली फेकून दिले. चिमुकला गंभीर जखमी झाला असून सायन रुग्णालयात उपचार सुरू आहेत.

• कौटुंबिक वादातून बापाने स्वतःच्या ९ महिन्यांच्या मुलाला स्कायवॉकवरून  दिले फेकून
• जखमी ९ महिन्यांच्या आरववर सायन रुग्णालयात उपचार सुरू
• पोलिसांनी आरोपी जाफर शेखला तात्काळ अटक केली

Mumbai Crime: पती-पत्नीमधील किरकोळ वादातून एका क्रूर बापाने आपल्याच अवघ्या ९ महिन्यांच्या निष्पाप पोटच्या गोळ्याला स्कायवॉकवरून खाली फेकून दिल्याची धक्कादायक आणि संतापजनक घटना घाटकोपर परिसरात घडली आहे. या भीषण घटनेत चिमुकला गंभीर जखमी झाला असून, त्याच्यावर सध्या सायन रुग्णालयात वैद्यकीय उपचाराची शर्थ सुरू आहे. याप्रकरणी पंतनगर/घाटकोपर पोलिसांनी आरोपी बापाला बेड्या ठोकल्या आहेत.

हेही वाचा: Delhi Fire News: राजधानी दिल्लीत खळबळ! संसदेजवळील ‘नॉर्थ ब्लॉक’मागे भीषण आग; या प्रसंगाने सुरक्षेवर प्रश्नचिन्ह

नेमकी घटना काय?

पोलिसांनी दिलेल्या माहितीनुसार, काल रात्री साडे दहा वाजेच्या सुमारास फिर्यादी आरती जाफर शेख आणि तिचा मुलगा आरव (वय नऊ महिने) हे घाटकोपर रेल्वे स्टेशन बाहेरील स्कायवॉकवर थांबले होते. त्याच वेळी तिचा पती जाफर शेख तिथे आला. त्याने आरतीसोबत कौटुंबिक कारणावरून जोरदार वाद घालण्यास सुरुवात केली. वाद विकोपाला गेला आणि आरोपी जाफर याने आरतीला शिवीगाळ करत तीव्र रागाच्या भरात ९ महिन्यांच्या चिमुकल्या आरवला थेट जीवे मारण्याच्या उद्देशाने स्कायवॉकवरून खाली फेकून दिले.

हेही वाचा: Pune News: मैत्रीण धावली म्हणून वाचला जीव! पुण्यातील कात्रज-कोंढवा परिसरात १८ वर्षीय तरुणीला भररस्त्यात उचलून नेण्याचा प्रयत्न…

बाळावर सायन रुग्णालयात उपचार; आरोपीला बेड्या

उंचावरून खाली फेकल्या गेल्यामुळे ९ महिन्यांचा आरव गंभीर जखमी झाला. घटनेची माहिती मिळताच परिसरातील स्थानिकांनी आणि पोलिसांनी तातडीने घटनास्थळी धाव घेतली. जखमी बाळाला सुरुवातीला जवळच्या रुग्णालयात व त्यानंतर पुढील तातडीच्या उपचारासाठी सायन रुग्णालयात दाखल करण्यात आले. सध्या डॉक्टरांच्या विशेष देखरेखीखाली चिमुकल्यावर उपचार सुरू आहेत. घटनेचे गांभीर्य लक्षात घेऊन पोलिसांनी तत्परता दाखवत आरोपी बाप जाफर शेख याला तात्काळ ताब्यात घेतले व त्याच्याविरोधात गुन्हा दाखल करून बेड्या ठोकल्या आहेत.