रविवार, 1 नोव्हेंबर 2026
धक्कादायक ! प्रियकराने दगा दिल्याने तरुणी नैराश्येत; गळफास घेऊन संपवले जीवन (संग्रहित फोटो)
पोलिस भरतीची तयारी करत असताना तरुणी आणि एका तरुणाची ओळख झाली
आत्महत्या करताना लिहून ठेवलेली चिठ्ठी आणि मुलीच्या आईने केलेल्या तक्रारीच्या आधारे ५२ दिवसानंतर प्रकरणाचा उलगडा करत कुरखेडा पोलिसांनी गुरुवारी दोन्ही आरोपींना अटक केली. शिवकुमार छोटेलाल करसायल (वय २८, रा. टेमली ता. कोरची) व अश्विनी राऊत (वय २६, रा. बोडधा, ता. देसाईगंज) अशी पोलिस शिपाई असलेल्या आरोपींची नावे आहेत. कुरखेडा पोलिस स्टेशनअंतर्गत येणाऱ्या आंजनटोला या गावातील तरुणीने गेल्यावर्षी पोलिस भरतीचे स्वप्न उराशी बाळगून जिल्हा मुख्यालय गडचिरोलीत सराव सुरू केला. लांझेडा भागात ती भाड्याच्या खोलीत राहत होती. अशातच इन्स्टाग्रामवर तिची ओळख शिवकुमार छोटेलाल करसायल या तरुणाशी झाली.
शिवकुमारसुद्धा पोलिस भरतीची तयारी करत असल्याने मैदानावर दोघांची जवळीकता वाढून दोघेही प्रेमात आकंठ बुडाले. दरम्यान, पोलिस भरतीत शिवकुमारची निवड झाली, पण त्याच्या प्रेयसीची निवड होऊ शकली नाही. पोलिस भरतीत निवड न झाल्याने तरुणीने आपले गाव गाठले, पण शिवकुमारशी असलेले प्रेमसंबंध कायम होते. भविष्यात आपलीही पोलिस भरतीत निवड होण्यासह शिवकुमारशी लग्नही होईल या आशेवर ती होती.
पीडितेच्या आईने केली कारवाईची मागणी
तरुणीच्या आईने पोलिस तक्रारीत आत्महत्येमागील कारणांचा उल्लेख करीत संबंधितांवर कारवाईची मागणी केली. तक्रारी व चिठ्ठीच्या आधारावर कुरखेडा पोलिसांनी सर्व घटनाक्रमाची सत्यता पडताळून ५२ दिवसांनी पोलिस शिपाई शिवकुमार आणि महिला पोलिस शिपाई अश्विनी यांना तरुणीच्या आत्महत्येस कारणीभूत असल्याच्या आरोपाखाली गुन्हा दाखल करीत अटक केली.
लग्नास नकार दिल्याने गेली होती नैराश्येत
शिवकुमारची ओळख गडचिरोली पोलिस ठाण्यात कार्यरत महिला पोलिस शिपाई अश्विनी राऊत हिच्याशी झाली. परिणामी, शिवकुमार प्रेयसीपासून दुरावू लागला. त्याने लग्न करण्यासही नकार दिल्याने तरुणी नैराश्येत गेली. त्यातच महिला शिपाई अश्विनीने तिला फोन करून अपमानास्पद भाषेत तिची खरडपट्टी काढली. यामुळे ती तरुणी पूर्णपणे खचली. ज्याच्यावर प्रेम केले त्यानेच धोका दिल्याने नैराशेत असलेल्या युवतीने ७ सप्टेंबरला आपल्या घरी गळफास लावून जीवनयात्रा संपवली.
FAQ
१. तरुणीच्या आत्महत्येची घटना कुठे घडली?
ही घटना गडचिरोली येथे घडली.
२. तरुणीची आणि तिच्या प्रियकराची ओळख कशी झाली होती?
पोलिस भरतीची तयारी करत असताना दोघांची ओळख झाली होती.
३. दोघांनी कोणता निर्णय घेतला होता?
दोघांनी लग्न करण्याचा निर्णय घेतला होता.
