मंगळवार, 3 नोव्हेंबर 2026
काय घडलं नेमकं?
या प्रकरणातील आरोपीचे नाव रेखा नायक असे आहे तर अरविंद नायक मृत्यू झालेल्या व्यक्तीचे नाव आहे. हे दोघेही मूळचे मध्यप्रदेशातील अलीराजपूर जिल्ह्यातील कोसारी गावचे असलेले हे जोडपे रोजगारासाठी गुजरातमध्ये आले होते. हे दोघेही मजुरी करून उदर्निवाह करत होते. ही घटना रात्री १०च्या सुमारास घडली. जेव्हा अरविंद आणि रेखा हे दोघेही वोरा गावातून भाजीपाला खरेदी करून आपल्या घरी परतत होते. त्यावेळी हनुमंतेश्वर मंदिराच्या मागे हेरण नदीच्या काठावर पोहोचल्यावर त्यांच्यात कोणत्यातरी विषयावरून बाचाबाची सुरू झाली. हा वाद इतका वाढला की रेखाने पतीच्या डोक्यात जोराने दगड घातला. हा वार इतका भीषण होता की अरविंद गंभीर जखमी होऊन जागीच कोसळला. तेथे तिचा मृत्यू झाला.
हत्येनंतर रेखा अरविंदच्या मृतदेहाजवळ शांतपणे बसून राहिली. एका बाजूला पतीचा मृतदेह आणि दुसऱ्या बाजूला रात्रभर तिथेच सुन्न होऊन बसलेली पत्नी असे विदारक दृश्य सकाळी उघडकीस आले. सकाळच्या सुमारास जेव्हा स्थानिक नागरिक त्या परिसरातून जात होते, तेव्हा त्यांना हा गंभीर प्रकार लक्षात आला आणि संपूर्ण परिसरात एकच खळबळ उडाली.
स्थानिक नागिरकांनी या घटनेची माहिती मिळताच तातडीने पोलिसांना पाचारण केले. घटनास्थळी दाखल झालेल्या पोलीस पथकाने अरविंदचा मृतदेह ताब्यात घेऊन तो उत्तरीय तपासणीसाठी रुग्णालयात पाठवून दिला. पोलिसांनी तात्काळ कारवाई करत आरोपी पत्नी रेखा नायक हिला घटनास्थळावरून ताब्यात घेऊन अटक केली आहे. एका कानाखाली मारल्याच्या रागातून एका पत्नीने आपल्याच पतीचा जीव घेतल्याने परिसरात मोठी हळहळ व्यक्त होत आहे.
Ans: गुजरातच्या नर्मदा जिल्ह्यातील तिलकवाडा परिसरात.
Ans: वादात संतापून पत्नीने दगडाने पतीच्या डोक्यावर वार केला.
Ans: आरोपी पत्नीला अटक करून पुढील तपास सुरू केला आहे.
