Kalyan News: कल्याणात पोलिसाला मारहाण! व्हिडीओ सोशल मिडीयावर व्हायरल

कल्याणच्या दुर्गाडी चौकात वाहतूक नियम पाळण्यास सांगितल्याने चार तरुणांनी वाहतूक पोलीस विलास भागीत यांना बेदम मारहाण केली. ते गंभीर जखमी असून रुग्णालयात उपचार सुरू आहेत. घटनेचा व्हिडिओ व्हायरल झाला आहे.

• दुर्गाडी चौकात वाहतूक नियमांवरून वाद, पोलिसावर हल्ला
• चार तरुणांकडून बेदम मारहाण; पोलीस गंभीर जखमी
• व्हिडिओ व्हायरल; गंभीर कलमांखाली गुन्हा दाखल

कल्याण: कल्याण शहरात कायद्याच्या सुव्यवस्थेला आव्हान देणारी एक अत्यंत गंभीर घटना समोर आली आहे. केवळ वाहतूक नियमांचे पालन करण्यास सांगितल्यामुळे एका कर्तव्यदक्ष वाहतूक पोलीस कर्मचाऱ्याला बेदम मारहाण करून रक्तबंबाळ करण्यात आले. शहराच्या वर्दळीच्या भागात घडलेल्या या घटनेमुळे पोलीस प्रशासन आणि नागरिक वर्तुळात चिंतेचे वातावरण पसरले आहे. जखमी पोलीस कर्मचाऱ्याला गंभीर अवस्थेत रुग्णालयात दाखल करण्यात आले असून, या मारहाणीचा व्हिडिओ सोशल मीडियावर व्हायरल झाल्यानंतर पोलिसांची कार्यक्षमता आणि गुंड प्रवृत्तीच्या लोकांच्या निर्वावलेल्या वृत्तीवर प्रश्नचिन्ह उपस्थित केले जात आहे.

Pune Crime: “वंशाला दिवा हवा” म्हणत गर्भपातास भाग पाडले; हुंड्यासाठी 25 लाख, विवाहितेने उचलले टोकाचे पाऊल

काय नेमकं घडलं?

शनिवारी रात्री दुर्गाडी चौक येथे वाहतूक पोलीस कर्मचारी विलास भागीत हे आपले कर्तव्य बजावत होते. रात्री १० वाजेच्या सुमारास जेव्हा चौकात वाहनांची मोठी कोंडी झाली होती, तेव्हा विलास भागीत यांनी एका कारला वाहतूक नियमांचे उल्लंघन करून विरुद्ध दिशेने येताना पाहिले जेव्हा त्यांनी कार थांबवून चालकाला विचारणा केली आणि विरुद्ध दिशेने गाडी आणण्याचे कारण विचारले, तेव्हा कारमधील व्यक्तींनी कायद्याचा सन्मान करण्याऐवजी पोलीस कर्मचाऱ्याशी गैरवर्तन आणि शिवीगाळ करण्यास सुरुवात केली.

खाजगी रुग्णालयात पोलिसावर उपचार सुरू

• कारमधील चार तरुणांनी संयम गमावून विलास भागीत यांच्यावर हल्ला केल्याने परिस्थिती अधिक गंभीर झाली.
• प्रत्यक्षदर्शीच्या म्हणण्यानुसार, आरोपींनी पोलीस कर्मचाऱ्याला अत्यंत निर्दयीपणे बेदम मारहाण केली, ज्यामध्ये ते गंभीर जखमी झाले.
• घटनास्थळावर गोंधळ वाढताना पाहून चारही आरोपी तिथून पसार होण्यात यशस्वी झाले जखमी पोलीस कर्मचाऱ्याला तातडीने कल्याणमधील एका खाजगी रुग्णालयात दाखल करण्यात आले असून तिथे त्यांच्यावर उपचार सुरू आहेत.
• स्थानिक बाजारपेठ पोलिसांनी या प्रकरणी गंभीर कलमांखाली गुन्हा दाखल केला आहे.
• प्राथमिक तपासात असे समोर आले आहे की, हल्ला करणारे आरोपी हे शिवसेना (शिंदे गट) समर्थक असल्याचे समजते.

Mumbai Crime: मालाडनंतर भांडुपमध्ये रक्तरंजित हल्ला,भररस्त्यात 29 वार करत कुख्यात गुंडाला संपवलं; परिसरात भीती