सोमवार, 26 ऑक्टोबर 2026
सौजन्य फोटो - AI Gemini
हेही वाचा: Highway Accident News: प्रशासकीय निष्काळजीपणा नडला! अर्धा तास रुग्णवाहिका गायब; उपचाराअभावी तरुणाने गमावले प्राण
पोलिसांनी दिलेल्या माहितीनुसार, प्रफुल्ल साखरकर (वय ४५, रा. कारंजा) असं गुन्हा दाखल झालेल्या आरोपीचं नाव असून तो पेशाने किराणा विक्रेता आहे. आरोपीने कौटुंबिक ओळखीचा गैरफायदा घेत अल्पवयीन मुलीची एक कॉल रेकॉर्डिंग स्वतःकडे ठेवली होती.
ती क्लिप सार्वजनिक करण्याची व नातेवाइकांना ऐकवण्याची धमकी देत आरोपी एप्रिल २०२३ ते जून २०२६ या सुमारे तीन वर्षांच्या कालावधीत तिच्यावर सतत लैंगिक अत्याचार करत राहिला. सततच्या अत्याचारांमुळे पीडित अल्पवयीन मुलगी गरोदर राहिली. ही बाब लक्षात येताच कुटुंबीयांना मोठा धक्का बसला. त्यांनी तातडीने कारंजा पोलीस ठाणे गाठून आरोपीविरुद्ध तक्रार नोंदवली.
पीडितेच्या तक्रारीवरून कारंजा पोलिसांनी आरोपी प्रफुल्ल साखरकर याच्याविरुद्ध बालकांचे लैंगिक अपराधांपासून संरक्षण (POCSO) कायद्यासह भारतीय न्याय संहितेच्या (BNS) गंभीर कलमांनुसार गुन्हा नोंदवला आहे. गुन्हा दाखल झाल्याची माहिती मिळताच आरोपी शहर सोडून पसार झाला आहे. वाशीमच्या प्रभारी पोलीस अधीक्षक लता फड यांनी या प्रकरणाची अत्यंत गंभीर दखल घेतली असून, फरार आरोपीच्या अटकेसाठी विशेष पोलीस पथके रवाना केली आहेत. कारंजा पोलीस या प्रकरणाचा पुढील सखोल तपास करत आहेत.
Ans: ही घटना वाशीम जिल्ह्यातील कारंजा शहरात घडली आहे.
Ans: आरोपीचे नाव प्रफुल्ल साखरकर (वय ४५) असून तो कारंजा येथील किराणा विक्रेता आहे.
Ans: पोलिसांनी आरोपीविरुद्ध पोक्सो (POCSO) कायदा व भारतीय न्याय संहितेअंतर्गत गुन्हा दाखल केला असून, फरार आरोपीच्या शोधासाठी विशेष पथके तैनात केली आहेत.
