Black Magic News: शेताच्या बांध्याजवळ लिंबू-नारळ, बाहुल्या; जादूटोण्याच्या प्रकाराने परिसरात खळबळ

‘गैर-मुस्लिम प्राण्यांपेक्षा भयंकर…’ तालिबानी मंत्र्यांचे द्वेषपूर्ण विधान, अफगाण हिंदू-शीख समाजात भीतीचे वातावरण

दरम्यान दोन आठवड्यांपूर्वी सांगलीतील इस्लामपूरमध्येही असाच जादूटोण्याचा प्रकार उघडकीस आला होता. इस्लामपूर येथील उरूण भागात एका महिलेच्या घराबाहेर जादूटोणा आणि करणीसदृश साहित्य आढळून आल्याने परिसरात एकच खळबळ उडाली. हा प्रकार समजताच नागरिकांनी त्या ठिकाणी पाहणीसाठी मोठी गर्दी केली. मात्र अंधश्रद्धा निर्मूलन समितीच्या कार्यकर्त्यांनी प्रसंगाचे गांभीर्य लक्षात घेऊन तात्काळ हस्तक्षेप केला. त्यांनी कुटुंबीयांसह लोकांचे प्रबोधन करत, पोलिसांच्या उपस्थितीत ते सर्व साहित्य बाजूला केले आणि परिसरात पसरलेले भीतीचे वातावरण दूर करण्याचा प्रयत्न केला.

सदर महिलेच्या घराबाहेर विचित्र स्वरूपाचे साहित्य ठेवलेले होते. त्यांच्या बकऱ्याचे डोके आणि चार पाय रंगीत दोरीने दरवाजाच्या बाहेर टांगलेले होते. त्यावर लिंबू, टाचण्या आणि सुया टोचलेल्या होत्या. दरवाजाजवळ तीन नारळांवर काळ्या बाहुल्या बांधून त्यावरही टाचण्या टोचलेल्या होत्या. २१ अर्धवट कापलेले लिंबू, मिरच्या, काट्यांची फांजर, मोडलेली फांदी, पपई, कोरफडीचे तुकडे, तसेच हळद, कुंकू आणि गुलाल यांचा वापर त्या ठिकाणी झालेला दिसून आला. या प्रकारामुळे स्थानिक नागरिकांमध्ये भीतीचे वातावरण निर्माण झाले होते.