रविवार, 1 नोव्हेंबर 2026
Mahadev App : महादेव ॲपचा मास्टरमाइंड सौरभ चंद्राकर भारतात; ओमानमधून सीबीआयने आणले मायदेशी, सौजन्य : आयएएनएस
भारतातील सर्वात मोठ्या सट्टेबाजीचे प्रकरण ज्याच्याभोवती फिरत होते, असा अवैध ऑनलाइन सट्टेबाज महादेव अॅपचा (Mahadev App) कर्ताधर्ता व मुख्य आरोपी सौरभ चंद्राकार ( याचे अखेरीस ओमानमधून भारतात प्रत्यार्पण करण्यात आले आहे. आता त्याला रायपूर येथील सीबीआयच्या विशेष न्यायालयात हजर करण्यात येणार आहे.
सौरभ चंद्राकर हा भारताला दोन सीबीआय प्रकरणांमध्ये हवा होता. या दोन्ही प्रकरणांमध्ये यापूर्वीच आरोपपत्र दाखल झाले आहेत. तसेच अंमलबजावणी संचालनालयाने (ईडी) दाखल केलेल्या एका प्रकरणातही त्याच्याविरोधात अभियोजन तक्रार दाखल आहे. परदेशात राहून भारतातील नागरिकांविरोधात कटकारवाया करणाऱ्या फरार आरोपींना मायदेशी आणून कायदेशीर कारवाई करण्याच्या दृष्टीने हे प्रत्यार्पण महत्त्वाचे मानले जात आहे.
छत्तीसगड सरकारच्या विनंतीनंतर सीबीआयने महादेव ऑनलाइन बुकींग प्रकरणांचा तपास सुरू केला होता. तपासात महादेव ऑनलाइन बुकींग हे देशातील सर्वात मोठ्या अवैध ऑनलाइन सट्टेबाजी नेटवर्कपैकी एक असल्याचे समोर आले होते. हे नेटवर्क भारताबाहेरून चालवले जात होते.
या नेटवर्कच्या माध्यमातून क्रिकेट, फुटबॉल, पत्त्यांचे खेळ आणि इतर कार्यक्रमांवर अवैध सट्टेबाजी केली जात होती. यासाठी देशभरात फ्रँचायझी पद्धतीने ‘पॅनल’ आणि ‘ब्रँच’चे जाळे उभारण्यात आले होते. या माध्यमातून ग्राहक जोडणे आणि त्यांच्याकडून पैसे गोळा करण्याचे काम केले जात होते.
अवैध सट्टेबाजीतून मिळणारी कमाई मोठ्या संख्येने बनावट बँक खात्यांद्वारे फिरवली जात असल्याचे तपासात उघड झाले आहे. अनेक टप्प्यांतील आर्थिक व्यवहारांनंतर ही रक्कम हवाला मार्गाने परदेशात पाठवली जात होती.
सीबीआयच्या म्हणण्यानुसार, या अवैध कमाईतील काही हिस्सा सरकारी अधिकारी आणि कर्मचाऱ्यांना संरक्षणाच्या मोबदल्यात दिला जात होता. त्यामुळे सिंडिकेटला कोणत्याही अडथळ्याशिवाय आपला व्यवसाय सुरू ठेवता येत होता.
खंडणीसाठी व्यावसायिकाच्या मुलाचे अपहरण; फरार गुंड तुषार हंबीर अखेर पोलिसांच्या ताब्यात
या प्रकरणात सीबीआयने भ्रष्टाचार प्रतिबंधक कायदा 1988, भारतीय दंड संहितेतील गुन्हेगारी कट, फसवणूक आणि बनावटगिरीशी संबंधित कलमे तसेच छत्तीसगड जुगार प्रतिबंधक कायद्यांतर्गत आरोपपत्र दाखल केले आहे. सौरभ चंद्राकर हा या प्रकरणांतील प्रमुख आरोपींपैकी एक आहे. दुसरीकडे, ईडीने या सिंडिकेटशी संबंधित भारतातील आणि परदेशातील अनेक मालमत्ता जप्त केल्या आहेत.
सौरभ चंद्राकरविरोधात जारी करण्यात आलेल्या रेड कॉर्नर नोटीसच्या आधारे रॉयल ओमान पोलिसांनी त्याचा शोध घेऊन त्याला ताब्यात घेतले होते. त्यानंतर सीबीआय आणि ईडीने त्याच्याविरोधात गोळा केलेल्या पुराव्यांसह ओमान सरकारकडे औपचारिक प्रत्यार्पण प्रस्ताव पाठवला.
भारत सरकारच्या विविध तपास यंत्रणा, इंटरपोल आणि ओमानमधील अधिकाऱ्यांच्या सहकार्याने प्रत्यार्पणाची प्रक्रिया पूर्ण करण्यात आली. ओमान सरकारची मंजुरी मिळाल्यानंतर सीबीआयचे पथक मस्कत येथे पोहोचले आणि सौरभ चंद्राकरला भारतात घेऊन आले.
या कारवाईत सहकार्य केल्याबद्दल सीबीआयने ओमान सरकार आणि रॉयल ओमान पोलिसांचे आभार मानले आहेत. आंतरराष्ट्रीय संघटित गुन्हेगारीविरोधात दोन्ही देशांमधील सहकार्याचे हे उदाहरण असल्याचे सीबीआयने म्हटले आहे.
भारतात आणल्यानंतर सौरभ चंद्राकरची वैद्यकीय तपासणी करण्यात येणार आहे. त्यानंतर ट्रान्झिट रिमांड मिळाल्यावर त्याला रायपूर येथे नेण्यात येईल. तेथे सीबीआयच्या विशेष न्यायाधीशांसमोर त्याला हजर करण्यात येणार आहे.
Ans: सौरभ चंद्राकर हा महादेव ऑनलाइन बुक या अवैध ऑनलाइन सट्टेबाजी सिंडिकेटचा प्रवर्तक आणि या प्रकरणातील प्रमुख आरोपी आहे.
Ans: सीबीआयच्या विशेष पथकाने सौरभ चंद्राकरला ओमानमधून भारतात आणले.
Ans: त्याच्याविरोधात जारी करण्यात आलेल्या रेड कॉर्नर नोटीसच्या आधारे रॉयल ओमान पोलिसांनी त्याचा शोध घेऊन त्याला ताब्यात घेतले.
