Mira-Bhayandar crime: मिरा रोडमध्ये देहव्यापारावर पोलिसांचा छापा; महिला दलाल अटकेत, दोन पीडित तरुणींची सुटका

मिरा रोड पूर्व परिसरात काशीगाव पोलिसांनी देहव्यापाराच्या रॅकेटचा पर्दाफाश करत एका महिला दलालाला अटक केली. बनावट ग्राहकाच्या माध्यमातून सापळा रचून ही कारवाई करण्यात आली. या वेळी देहव्यापारात अडकलेल्या दोन पीडित तरुणींची सुटका करण्यात आली असून आरोपीविरुद्ध अनैतिक मानवी वाहतूक (प्रतिबंध) कायद्यानुसार गुन्हा दाखल करण्यात आला आहे.

• मिरा रोडमधील मेराकी हॉटेल परिसरात देहव्यापाराच्या रॅकेटवर काशीगाव पोलिसांचा छापा.
• एका महिला दलालाला अटक; देहव्यापारात अडकलेल्या दोन पीडित तरुणींची सुखरूप सुटका.
• आरोपीविरुद्ध अनैतिक मानवी वाहतूक (प्रतिबंध) कायद्यानुसार गुन्हा दाखल; पुढील तपास सुरू.

मिरा रोड: मुंबईलगतच्या मिरा रोड परिसरात देहव्यापाराविरोधात काशीगाव पोलिसांनी मोठी कारवाई करत एका सेक्स रॅकेटचा पर्दाफाश केला आहे. बनावट ग्राहकाच्या माध्यमातून रचलेल्या सापळ्यात एका महिला दलालाला अटक करण्यात आली असून, देहव्यापाराच्या विळख्यात अडकलेल्या दोन पीडित तरुणींची सुखरूप सुटका करण्यात आली आहे. या कारवाईमुळे परिसरात एकच खळबळ उडाली असून, पोलिसांकडून या रॅकेटमागील इतर संबंधितांचा शोध घेतला जात आहे.

कशी टाकली धाड?

झोन-१ चे पोलीस उपायुक्त राहुल चव्हाण (IPS) यांना एका स्वयंसेवी संस्थेमार्फत माहिती मिळाली होती की, मुंबई-अहमदाबाद महामार्गावरील घोडबंदर रोड परिसरातील मेराकी हॉटेलजवळ एक महिला दलाल ऑर्केस्ट्रा बार आणि डान्स क्लबमध्ये काम करणाऱ्या तरुणींची छायाचित्रे ग्राहकांना पाठवून देहव्यापारासाठी त्यांना पुरवत आहे. याच माहितीच्या आधारे काशीगाव पोलीस ठाण्याचे वरिष्ठ पोलीस निरीक्षक राहुलकुमार पाटील यांच्या मार्गदर्शनाखाली धाड टाकण्यात आली. विशेष पथकाने बनावट ग्राहकाच्या माध्यमातून सापळा रचला.

Mumbai Rain: चप्पल उचलण्याच्या प्रयत्नात गमावला जीव, पाण्याच्या प्रवाहात वाहून गेला; तीन दिवसांनी सापडला मृतदेह

दोन तरुणींची सुटका

मेराकी हॉटेल परिसरात छापा टाकून महिला दलालाला ताब्यात घेण्यात आले. तसेच दोन पीडित तरुणींची सुखरूप सुटका करण्यात आली. या प्रकरणी आरोपी महिला दलालाविरुद्ध अनैतिक मानवी वाहतूक (प्रतिबंध) कायद्यानुसार गुन्हा दाखल करण्यात आला आहे. पुढील तपास काशीगाव पोलीस करीत आहेत. पोलिसांनी नागरिकांना अशा प्रकारच्या बेकायदेशीर कृत्यांची माहिती मिळाल्यास तत्काळ पोलिसांना कळविण्याचे आवाहन केले आहे.

१६ वर्षीय अल्पवयीन मुलीचा लैंगिक छळ; प्रसिद्ध टीव्ही अभिनेत्याला POCSO अंतर्गत अटक

मुंबई येथून एक धक्कादायक घटना समोर आली आहे. मुंबईच्या पूर्व उपनगरात एका १६ वर्षीय अल्पवयीन मुलीचा लैंगिक छळ केल्याचे समोर आले आहे. एवढेच नाही तर तिचा पाठलाग करून तिला मारहाण देखील करण्यात आले. या प्रकरणी पोलिसांनी एका प्रसिद्ध टीव्ही अभिनेत्याला अटक केली आहे. त्याच्या विरुद्ध POCSO कायद्यांतर्गत गुन्हा दाखल करण्यात आला आहे. या घटनेने मनोरंजन विश्वात खळबळ उडाली आहे.

Solapur Crime: लग्नाला अवघे दोन महिने, पत्नी आणि तिच्या प्रियकराच्या छळाला कंटाळून तरुणाची आत्महत्या; गुन्हा दाखल