Nashik Crime: नाशिकमध्ये खळबळ! डॉ. मनीषा जेजुरकरांची आत्महत्या, मनोविकारतज्ज्ञ पतीवर गंभीर आरोप; पती फरार

नाशिकमधील गंगापूर रोड परिसरात डॉ. मनीषा जेजुरकर यांनी आत्महत्या केल्याची घटना समोर आली. पती डॉ. निलेश जेजुरकर यांच्या मानसिक छळामुळे आत्महत्येस प्रवृत्त झाल्याचा आरोप कुटुंबीयांनी केला असून पोलिसांनी गुन्हा दाखल केला आहे

• नाशिकच्या गंगापूर रोड परिसरात डॉक्टर महिलेची आत्महत्या
• मृत महिलेचे नाव डॉ. मनीषा जेजुरकर
• पती डॉ. निलेश जेजुरकर यांच्यावर मानसिक छळाचा आरोप

नाशिक: नाशिकमधून एक खळबळजनक घटना समोर आली आहे. एका विवाहित महिला डॉक्टरने पतीच्या त्रासाला कंटाळून आत्महत्या केल्याचे समोर आले आहे. आत्महत्या करणाऱ्या महिलेचे नाव डॉक्टर मनीषा निलेश जेजुरकर असे आहे. या नाशिक शहरात एकच खळबळ उडाली आहे. आत्महत्या करण्याऱ्या डॉक्टरचे पती डॉक्टर निलेश जेजुरकर आहे. ते शहरातील प्रसिद्ध मनोविकारतज्ज्ञ आहेत. दोघेही दाम्पत्य नाशिकच्या जिल्ह्या रुग्णलयात कार्यरत असून या दोघांमध्ये गेल्या दोन वर्षांपासून वाद सुरु होते. आणि याच वादातून डॉक्टर मनीषा यांनी आत्महत्या केली असे माहेरच्या नातेवाईकांनी निलेश जेजुरकर यांच्यावर केले आहे.

स्वस्तात सोने देण्याच्या आमिषाने ज्येष्ठ महिलेची फसवणूक; तब्बल 1 कोटी 34 लाखांना घातला गंडा

माहेरच्यांनी केलेलं आरोप काय?

डॉक्टर मनीषा जेजुरकर यांच्या आत्महत्येंनंतर माहेरच्यांनी त्यांच्या पती विरुद्ध गंभीर आरोप केले आहेत. मनीषा यांचे पती निलेश जेजुरकर हे वारंवार मनीषा यांना त्रास देत होते, हे त्यांच्या कुटुंबाला देखील माहिती होते.मात्र, आम्ही अनेकदा चर्चेसाठी त्यांना बोलावलं मात्र एक ना अनेक कारणांनी त्यांनी चर्चा होऊ दिली नाही. मनीषा यांना होणारा वारंवार मानसिक त्रास असह्य झाल्याने त्यांनी अखेर त्यांची जीवनयात्रा संपली. मात्र, या संपूर्ण प्रकरणात ही आत्महत्या मनीषा यांनी का केली, याची अनेक कारणे आहेत या संदर्भात पोलिसांनी सखोल तपास करावा आणि न्याय मिळवून द्यावा, अशी विनंती मनीषा यांच्या भावांकडून करण्यात आली. मनोविकारतज्ज्ञ म्हणून कार्यरत असलेल्या डॉ. निलेश जेजुरकर यांच्या वागणुकीमुळे त्यांच्या बहिणीला दीड वर्षांपासून मानसिक छळ सहन करावा लागत असल्याचा गंभीर आरोप त्यांनी केला आहे. या प्रकरणातील इतर आत्महत्येला जबाबदार असणाऱ्यांवर देखील कारवाई करत न्याय मिळावा, अशी मागणी मनीषा यांचे भाऊ हेमंत भास्कर यांनी केली.

पोलीस तपास सुरु

डॉक्टर मनीषा जेजुरकर यांनी उच्चभ्रू वस्ती असलेल्या गंगापूर रोड परिसरात असेलेल्या राहत्या घरात त्यांनी आत्महत्या केली. मनीषा यांच्या माहेरच्यांनी नक्षीच्या गंगापूर पोलीस ठाण्यामध्ये तक्रार दाखल केली आहे. गंगापूर पोलिसांनी मानसिक त्रास दिल्याच्या तक्रारीवरून गुन्हा दाखल केला आहे. संशयित आरोपी डॉक्टर निलेश जेजुरकर हे फरार आहे. गंगापूर पोलीस तसेच क्राइम ब्रांच हे शोध घेत आहे. पुढील तपास देखील करत आहेत.

Wardha Crime: राष्ट्रवादीच्या नेत्याकडून ५ वर्ष मुलीवर लैंगिक अत्याचार; अश्लील फोटोही पाठवले