हे सुध्दा वाचा – शिरूर हादरलं! नोकरीचे आमिष दाखवून तरुणीवर सामूहिक बलात्कार; हॉटेलमध्ये नेले अन्…
अधिकाऱ्यांच्या माहितीनुसार, प्लंजरच्या साहाय्याने एक किलो स्किम्ड मिल्क पावडर आठ ते दहा लिटर थंड पाण्यात मिसळली जात होती. त्यानंतर हे मिश्रण दुधात मिसळून ते शुद्ध गायीचे किंवा म्हशीचे दूध असल्याचे भासवून विकले जात होते. हे भेसळयुक्त दूध ठाणे, ऐरोली, कोपरी, दिघा आणि घणसोली परिसरातील विविध डेअरींना पुरवले जात असल्याचे तपासात समोर आले आहे.
कारवाईदरम्यान एफडीएच्या पथकाने १२९.५ किलो पनीर, ४७३ किलो स्किम्ड मिल्क पावडर आणि ८८.४ किलो क्रीमही जप्त केले. संबंधित डेअरीकडे आवश्यक अन्न सुरक्षा परवाना नसल्याचे आढळून आल्याने ती तातडीने बंद करण्यात आली.
दरम्यान, २२ ऑगस्ट रोजी तुर्भे पोलिस ठाण्यात या प्रकरणी १५ व्यक्ती व संस्थांविरुद्ध गुन्हा दाखल करण्यात आला आहे. यामध्ये दोन डेअरी मालकांसह भेसळयुक्त दूध स्वीकारणाऱ्या विविध विक्रेत्यांचा समावेश आहे. संबंधित सर्व आस्थापनांचे अन्न सुरक्षा परवाने रद्द करण्याची प्रक्रिया सुरू करण्यात आली आहे.
.png "Videos"){kind=small}
