Navi Mumbai Crime : “ऐरोली ऍट्रॉसिटी गुन्ह्यातील आरोपीला तात्काळ अटक करा,” नवी मुंबई पोलिसांकडे मागणी

एका अनुसूचित जातीच्या व्यक्तीला शिवीगाळ आणि मारहाण करून पायावर नाक घासायला लावून अमानवीय वागणूक दिल्याची अतिशय निंदनीय घटना घडली होती. आता आरोपीला तात्काळ अटक करण्यासाठी मागणी केली जाते. 

• अत्याचार प्रतिबंध अधिनियम कायद्याअंतर्गत गुन्हा दाखल
• फिर्यादी सुनिल जाधव हे अनुसूचित जातीचे असल्याच माहिती
• गुन्हेगारांवर ऍट्रॉसिटी अंतर्गत गुन्हा दाख

सावन वैश्य | नवी मुंबई: ऐरोली येथे एका अनुसूचित जातीच्या व्यक्तीला शिवीगाळ आणि मारहाण करून पायावर नाक घासायला लावून अमानवीय वागणूक दिल्याची अतिशय निंदनीय घटना घडली होती. या घटनेबाबत सर्वच स्तरातून संताप व्यक्त करण्यात आला होता. विविध संघटनांनी रबाळे पोलीस ठाणे गाठून संबंधित व्यक्तींच्या विरोधात रबाळे पोलिस स्टेशनमध्ये अनु. जाती व जमाती अत्याचार प्रतिबंध अधिनियम कायद्याअंतर्गत गुन्हा दाखल केला होता. आता आरोपीला तात्काळ अटक करण्यासाठी जोर लावला जात असून याबाबत सहाय्यक आयुक्त राहुल धस यांना पत्र देत आरोपीना शोधून तात्काळ अटक करण्याची मागणी होत आहे.

जळगाव रेल्वे रुळ प्रकरणाचा उलगडा; अपघात नव्हे, पूर्वनियोजित खून! एक आरोपी अटकेत

सुरक्षा रक्षक म्हणून काम करणारे ऐरोली सेक्टर २ येथील सुनील जाधव यांना त्यांच्याच चाळीतील रोहित महाजन, स्वाती महाजन, व विशाल महाडिक यांनी जातीवाचक शिवीगाळ करत मारहाण केली. फिर्यादी सुनिल जाधव हे अनुसूचित जातीचे असल्याच माहित असताना देखील आरोपी विशाल महाडीक याने जाणुनबुजुन सुनिल जाधव यांना आरोपी स्वाती महाजन हिच्या पाया पडुन, शिवीगाळ व मारहाण करून धमकी देवून तिच्या पायावर नाक घासायला लावल्याची निंदनीय घटना ऐरोलीत घडली आहे. तसेच “तु खालच्या जातीचा आहेस, कुठे हि जा. तुला मारून टाकेन” असे जातीवाचक बोलून अपमानित करून धमकी दिली. गुन्हेगारांवर ऍट्रॉसिटी अंतर्गत गुन्हा दाखल झाला मात्र अद्याप आरोपी अटक नसल्याने नागरिकांनी सहाय्यक पोलीस आयुक्त रबाळे राहुल धस यांची भेट घेतली. व फरार आरोपीना तात्काळ अटक करून कठोर कारवाई करावी अश्या आश्याच पत्र दिल आहे. आरोपीचा शोध सुरु असून लवकरात लवकर आरोपी पोलिसांच्या ताब्यात असणार असं सहाय्यक आयुक्त धस यांनी सांगितलं.

या गुन्ह्यातील आरोपी फरार असून त्यांचा शोध पोलीस घेत आहेत. आरोपींना अटक करण्यासाठी पोलिसांचे एक पथक गुजरात या ठिकाणी देखील जाऊन आल. आरोपींनी मोबाईल बंद ठेवल्याने त्यांना तांत्रिकदृष्ट्या ट्रेस करणं अवघड होत आहे. मात्र तरी देखील पोलीस कौशल्यपूर्ण तपास करून आरोपींना लवकरच अटक करतील, असं मत सहाय्यक पोलीस आयुक्त, राहुल धस यांनी व्यक्त केलं.

अयोध्या कॉलनीतील चोरीचा लागला छडा; पोलिसांनी चोरट्यांना ठोकल्या बेड्या