विमानतळावर सामानात सापडला नवजात अर्भकाचा मृतदेह, प्लास्टिकच्या डब्यात केमिकल टाकून केलं पॅक; Video Viral

विमानतळावर मालवाहू स्कॅनिंगदरम्यान एका पेटीत नवजात बाळाचा मृतदेह सापडल्याची धक्कादायक घटना घडली आहे. या घटनेनंतर विमानतळावर एकच खळबळ उडाली आहे. या घटनेचा व्हिडीओ व्हायरल झाला आहे.

विमानतळावर सामानात सापडला नवजात अर्भकाचा मृतदेह (फोटो सौजन्य-X)

Follow Us:

Follow Us:

Lucknow airport news in marathi : उत्तर प्रदेशातील लखनऊ येथील चौधरी चरणसिंग आंतरराष्ट्रीय विमानतळावरून एक धक्कादायक घटना समोर आली आहे. या विमानतळावर कार्गो स्कॅनिंग दरम्यान एका बॉक्समध्ये नवजात बालकाचा मृतदेह आढळून आला.हे पार्सल लखनौ ते मुंबई या पत्त्यावर बुक करण्यात आल्याचे सांगण्यात येत आहे.नवजात बालकाचा मृतदेह आढळल्याने मालवाहू कामगारांमध्ये भीतीचे वातावरण निर्माण झाले आहे.

सीआयएसएफला कळवल्यानंतर लगेचच मालवाहू कर्मचाऱ्यांनी कुरिअरसाठी आलेल्या तरुणाला पकडून सीआयएसएफच्या ताब्यात दिले. सीआयएसएफच्या चौकशीदरम्यान हा तरुण मृतदेहाबाबत काहीही सांगू शकला नाही.

दररोज प्रमाणे लखनौ विमानतळावरील कार्गो कर्मचारी मंगळवारी(3 डिसेंबर) सकाळी मालवाहतुकीसाठी बुक केलेल्या मालाचे स्कॅनिंग करत होते. याचदरम्यान एका खासगी कंपनीचा कुरिअर एजंट मालवाहतूक करून माल बुक करण्यासाठी आला. मालवाहू कर्मचाऱ्यांनी बुक केलेल्या सामानाचे स्कॅनिंग सुरू केले असता, स्कॅनिंग मशिनमध्ये प्लास्टिकच्या बॉक्समध्ये नवजात बाळाचा मृतदेह आढळून आला. मालवाहू कर्मचाऱ्यांनी पॅकेट उघडले असता त्यात सुमारे 1 महिन्याच्या मुलाचा मृतदेह आढळून आला. हे पाहून कार्गो कर्मचाऱ्यांना धक्काच बसला. सध्या कुरिअर कंपनीच्या कर्मचाऱ्याला सदर बॉक्स व मृतदेहाबाबत कोणतीही माहिती देता आली नाही.

Taj Mahal: ताजमहल बॉम्बने उडवण्याची धमकी; पोलिसांची धावाधाव, शहरात खळबळ

विमानतळ चौकीचे प्रभारी म्हणाले की, लखनौ विमानतळ कार्गो कॉम्प्लेक्समध्ये नवजात अर्भकाचा मृतदेह सापडला असून कुरिअरसाठी आलेल्या व्यक्तीची याबाबत चौकशी करण्यात येत आहे. सध्या नवजात अर्भकाचा मृतदेह मुंबईला तपासणीसाठी पाठवल्याची बाब समोर येत आहे. मात्र याबाबतची कोणतीही कागदपत्रे कुरिअर एजंटला दाखवता आलेली नाहीत, त्यामुळे या प्रकरणाचा तपास सुरू आहे. याशिवाय कुरिअर तातडीने पोहोचवण्यासाठी आलेल्या एजंटलाही ताब्यात घेण्यात आले. यानंतर तरुणाला सीआयएसएफच्या ताब्यात देण्यात आले. त्यानंतर CISF त्याची चौकशी करत आहे.

राजधानी लखनऊ के चौधरी चरण सिंह अन्तर्राष्ट्रीय एयरपोर्ट में मंगलवार सुबह नवजात का शव मिलने से हडकम्प मच गया,कोरियर कराने आये एजेन्ट के सामान में मौजूद एक डिब्बे के अन्दर मिला नवजात बच्चे का शव मिलने से कार्गो कर्मचारियों में दहशत फैल गयी। pic.twitter.com/AWvBLPfWSh

— Mohd Zia Rizvi 🇮🇳 (@Ziarizvilive) December 3, 2024

आतापर्यंतच्या चौकशीत लखनौमधील एका जोडप्याने आयव्हीएफ केल्याचे समोर आले आहे. गर्भ तपासणीसाठी मुंबईला पाठवण्यात येत होता. कुरिअर कंपनीला रस्त्याने गर्भ पाठवायचा होता. पण चुकून माल पाठवला गेला. याप्रकरणी डीसीपी सेंट्रल रवीना त्यागी यांनी सांगितले की, लखनऊ विमानतळ कार्गो कॉम्प्लेक्समध्ये गर्भ सापडला होता. कुरिअरसाठी आलेल्या व्यक्तीची याबाबत चौकशी करण्यात येत आहे. सध्या कोणीतरी गर्भलिंग चाचणीसाठी मुंबईला पाठवल्याची माहिती समोर येत आहे. परंतु, एजंटला विमानाने जाण्यासाठी कोणतीही कागदपत्रे दाखवता आलेली नाहीत.

‘तुझ्या आई-वडिलांना जीवे मारेन…’, 13 वर्षांच्या मुलीवर आजोबांकडून लैंगिक अत्याचार

Web Title: Panic at lucknow airport after foetus found in courier shipment

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com