सौजन्य फोटो - AI Gemini
पुणे महापालिकेतून निवृत्त झालेल्या नर्स स्टेला तायडे यांनी नोकरीदरम्यानच्या जुन्या ओळखीचा पुरेपूर फायदा घेतला. बोपोडीतील बँकेत रक्कम गुंतवल्यास महिन्याला चांगला परतावा मिळेल, असे आमिष त्यांनी आपल्या सहकारी नर्सेसना दाखवले. सुरुवातीला २०२१ ते २०२३ या कालावधीत नियमित परтаवा देऊन त्यांनी सर्वांचा पूर्ण विश्वास संपादन केला. यामुळे २०२४ नंतर अनेक परिचारिकांनी मोठ्या प्रमाणावर पैसे गुंतवले. मात्र, जेव्हा मोठी रक्कम जमा झाली, तेव्हा नर्सने खरा डाव खेळला. परिचारिकांनी परताव्याबाबत विचारणा सुरू करताच टाळाटाळ करण्यास सुरुवात झाली, ज्यातून हा संपूर्ण फसवणुकीचा बोगस प्रकार उघडकीस आला.
एका ३४ वर्षीय परिचारिकेने या प्रकरणी फिर्याद दिल्यानंतर लक्ष्मीनगर पोलिसांनी तत्परता दाखवत अवघ्या दोन दिवसांत घरातील वडील आणि मुलाला अटक करून त्यांची रवानगी कारागृहात केली. स्टेला संतोष तायडे आणि एंजल संतोष तायडे अशी फरार असलेल्या आई व मुलीची नावे आहेत, तर संतोष अंकुश तायडे आणि जॉय संतोष तायडे (रा. वाघोली) अशी अटक केलेल्या वडील व मुलाची नावे आहेत.
पोलिसांच्या तपासात आरोपींनी एकूण ५३ लाखांची फसवणूक केल्याचे निष्पन्न झाले आहे. या लुटलेल्या पैशातूनच तायडे कुटुंबीयांनी मुलगी एंजल हिचा विवाह अत्यंत थाटामाटात पार पाडला आणि चऱ्होली परिसरात एक फ्लॅट विकत घेतल्याचे समोर आले आहे. तसेच मुख्य आरोपी स्टेला तायडे हिच्या बँक खात्यात तीन लाख रुपये असल्याचेही निष्पन्न झाले आहे. सध्या फरारी असलेल्या स्टेला आणि एंजलचा कसून शोध सुरू असल्याची माहिती सहायक पोलीस निरीक्षक दत्ता लिगाडे यांनी दिली आहे.
Ans: पुणे महापालिकेतील निवृत्त नर्स स्टेला तायडे यांनी बोपोडीतील बँकेत गुंतवणुकीवर भरघोस परताव्याचे आमिष दाखवून सहकारी परिचारिकांची फसवणूक केली.
Ans: या प्रकरणात लक्ष्मीनगर पोलिसांनी मुख्य आरोपीच्या कुटुंबातील वडील (संतोष तायडे) आणि मुलगा (जॉय तायडे) यांना अटक केली आहे.
Ans: घोटाळ्यातील ५३ लाखांच्या रकमेपैकी पैशातून आरोपींनी मुलगी एंजल हिचा विवाह थाटामाटात पार पाडला आणि चऱ्होली परिसरात एक फ्लॅट खरेदी केला.






