गुरुवार, 12 नोव्हेंबर 2026
AREST (फोटो सौजन्य- PINTEREST)
उत्तर प्रदेश पोलिसांच्या विशेष कार्यबल (एसटीएफ) ने महाराष्ट्राच्या ठाणे जिल्ह्यात एक २६ वर्षीय पहिले करण्यात आलेल्या हत्येच्या प्रकरणात हवा असलेल्या आरोपीला अटक करण्यात आली आहे. हा हत्या केल्यानंतर २६ वर्षांपासून लपत होता. मंगळवारी रात्री एका निवेदनात, एसटीएफने म्हटले आहे की अटक केलेल्या आरोपीचे नाव विनोद कुमार असे आहे, जो सिद्धार्थनगर जिल्ह्यातील भवानीगंज पोलिस स्टेशन हद्दीतील परसाहेतीम गावचा रहिवासी आहे.
विद्येच्या माहेरघरात चाललंय तरी काय? आधी काढली मुलीची छेड, नंतर लिफ्टमध्ये अर्धा तास ठेवलं डांबून…..
अनेक कलम करण्यात आले होते दाखल
मंगळवारी दुपारी विनोद कुमारला एसटीएफ पथक आणि महाराष्ट्र पोलिसांनी संयुक्त कारवाईकरत त्याला त्याच्यागावातून अटक केल आहे. विनोद कुमार विरोधात भारतीय दंड संहितेच्या कलम ३०२(खुनाची शिक्षा), ३६३ (अपहरणाची शिक्षा),३८६ (खंडणीसाठी एखाद्याला मृत्यूची भीती दाखवणे किंवा गंभीर दुखापत करणे), ३९७ (मृत्यू किंवा गंभीर दुखापत करण्याचा प्रयत्न करून दरोडा किंवा दरोडा), १२० ब (गुन्हेगारी कट रचण्याची शिक्षा) आणि ३४ (सामान्य हेतूने अनेक व्यक्तींनी केलेले कृत्य) अंतर्गत महाराष्ट्रातील ठाणे जिल्ह्यातील भिवानी शहर पोलीस ठाण्यात गुन्हा दाखल करण्यात आला होता.
कोणत्या कारणांवरून करण्यात आली अटक?
पोलिसांनी त्याला विचारपूस केली असता जबाबात आरोपीने सांगितले २८ मे १९९९ ला रात्री ११ च्या दरम्यान त्याने आणि त्याचा सोबती राजू मेहता आणि कमलेशने कापड फॅक्टरीचा मालक जिगर महेंद्र मेहताला वीज पुरवठ्याशी संबंधित समस्येचे कारण सांगून कारखान्यात बोलावलं. आरोपीच्या नुसार या नंतर त्याने त्यांच्या सोबत मारपीट केली आणि त्याच्या कुटुंबियांना १० लाख रुपयांची मागणी केली. पैसे न मिळाल्याने विनोद कुमारने मेहता यांना बेशुद्ध करण्यासाठी इंजेक्शन दिले, नंतर त्यांचा गळा चिरला आणि त्यानंतर सामान लुटले. यानंतर त्यांनी मेहताचा मृतदेह स्कूटरवर नेला आणि पाईपलाईनवर फेकून दिला.
२६ वर्ष कुठे लपला होता आरोपी?
आरोपी विनोद कुमार हत्या केल्यानंतर मुंबई मधून फरार झाला होता आणि दिल्लीत आपल्या नातेवाईकांकडे राहत होता. जेव्हा त्याला वाटलं की पोलिसांनी त्याचा शोध घेणं बंद केला आहे तेव्हा तो आपल्या गावात परतला. मागील काही दिवसांपासून त्याने आपल्या गावाजवळ दुकान चालवायला सुरवात केली होती.
Accident News : टँकरची दुचाकीला जोरदार धडक; अपघातात डाॅक्टर तरुणाचा मृत्यू
