सोमवार, 2 नोव्हेंबर 2026
काय घडलं नेमकं?
ईदच्या निमित्ताने इरशादने (३०) आपल्या विवाहित बहिणीला १५०० रुपयांची ईदी दिली होती. याबाबत इरशादची पत्नी नौरिनला (२५) कळताच घरात जोरदार भांडण झालं. त्यांनतर सोमवारी ३० मार्चला इरशादची आई आणि बहिणीनेही घरी येत इरशादसोबत खूप भांडण केलं. त्यांनतर रात्री उशीरापर्यंत इरशादचं पत्नीसोबत खूप भांडण झालं. ३१ मार्चच्या सकाळी बराच उशीरापर्यंत त्यांच्या खोलीतून कोणीही बाहेर आलं नाही, बराच वेळ दरवाजा ठोठावला आवाजही दिला मात्र कोणीच काहीच उत्तर देत नव्हतं.
त्यामुळे इरशाद भावाने इनामसह अन्य लोक दरवाजा तोडून आत शिरले. तेव्हा घरातले दृश्य पाहून सर्वजण हादरले. इरशाद गळफास घेतलेल्या अवस्थेत आढळला, तर पत्नी नौरिनसह एक महिन्याची मुलगी अक्सा आणि दोन वर्षांचा मुलगा आहिलचा मृतदेह जमिनीवर आढळला. इरशादने आधी आपल्या पत्नी आणि मुलांना विष दिलं. ज्यानंतर त्यांचा मृत्यू झाला. यानंतर त्याने स्वत: गळफास घेऊन आत्महत्या केली असा प्राथमिक अंदाज व्यक्त केला जात आहे.
इरशादच्या भावाने सांगितलं काय घडलं
इनामने सांगितलं की, इरशाद मजुरीवर काम करीत होता. तो दोन मुलं आणि पत्नीसोबत राहत होता. त्याने त्याच्या बहिणीला १५०० रुपये ईदी दिली होती. त्याच्या बहिणीचा मुलगा आजारी होता. त्याला दाखविण्यासाठी ती माहेरी आली होती. या पैशातून वाद निर्माण झाला. इरशादने न विचारता पैसे दिल्याने नौरिनला आवडलं नव्हतं. यातून झालेल्या वादाचा भयंकर परिणाम झाला.
Nashik Breaking News: भोंदुबाबा अशोक खरातला १४ दिवसांची न्यायालयीन कोठडी
Ans: 1500 रुपयांच्या ईदीवरून झालेला कुटुंबीय वाद.
Ans: एकाच कुटुंबातील चार जणांचा मृत्यू झाला.
Ans: पत्नी व मुलांना विष दिल्यानंतर स्वतः गळफास घेतला.
