Young India Marathon : दमट हवामान, चढ-उताराचा रस्ता; तरीही लवप्रित, रविनाची विजयी भरारी

Young India Marathon : ठाण्यातील यंग इंडिया राज्यस्तरीय मॅरेथॉनमध्ये पुण्याचा लवप्रित सिंग आणि नाशिकची रविना गायकवाड विजेते ठरले. दोघांना प्रत्येकी एक लाख रुपयांचे बक्षीस देण्यात आले. स्पर्धेत साडेतीन हजारांहून अधिक धावपटू सहभागी झाले.

Young India Marathon : दमट हवामान, चढ-उताराचा रस्ता; तरीही लवप्रित, रविनाची विजयी भरारी

Follow Us:

Follow Us:

• पुरुष गटात लवप्रितची बाजी
• महिला गटात रविना अव्वल
• 10 किलोमीटर गटात स्वराज एसची बाजी

ॲथलिड्सतर्फे उपमुख्यमंत्री एकनाथ शिंदे (Eknath Shinde) यांच्या सहकार्याने आयोजित यंग इंडिया राज्यस्तरीय मॅरेथॉन (Young India Marathon)स्पर्धेत पुरुष गटात पुण्याचा लवप्रित सिंग, तर महिला गटात नाशिकची रविना गायकवाड यांनी विजेतेपद पटकावले. दोघांनाही प्रत्येकी एक लाख रुपयांचे रोख बक्षीस आणि गौरवपदक देऊन सन्मानित करण्यात आले.

ॲथलिड्सच्या या दुसऱ्या स्पर्धेला राज्यभरातून उत्स्फूर्त प्रतिसाद मिळाला. विविध 11 गटांमध्ये झालेल्या या स्पर्धेत साडेतीन हजारांहून अधिक धावपटूंनी सहभाग घेतला. पहाटेच्या वेळीही असलेले दमट हवामान, चढ-उतार आणि वळणाचे रस्ते यामुळे धावपटूंच्या कामगिरीकडे सर्वांचे लक्ष लागले होते. प्रतिकूल परिस्थितीतही आघाडीच्या धावपटूंमध्ये अवघ्या काही सेकंदांची चुरस पाहायला मिळाली.

पुरुष गटात लवप्रितची बाजी

पुरुषांच्या 21 किलोमीटर शर्यतीत लवप्रित सिंगने 1 तास 6 मिनिटे 38 सेकंदांत अंतर पूर्ण करत पहिले स्थान मिळवले. राज तिवारीने 1 तास 7 मिनिटे 16 सेकंदांत शर्यत पूर्ण करत दुसरा क्रमांक मिळवला. दिनकर महालेने 1 तास 8 मिनिटे 40 सेकंदांची वेळ नोंदवत तिसरे स्थान पटकावले.

IND vs NZ: किंग कोहली पुन्हा मैदान गाजवणार! Virat Kohli भेदणार सचिन तेंडुलकरचा किल्ला? न्यूझीलंडविरुद्ध डबल रेकॉर्डची संधी

महिला गटात रविना अव्वल

महिला गटात राष्ट्रीय धावपटू रविना गायकवाड आणि अमृता पटेल यांच्यात शेवटपर्यंत चुरस रंगली. रविनाने 1 तास 29 मिनिटे 25 सेकंदांत 21 किलोमीटरचे अंतर पूर्ण करत विजेतेपद मिळवले. अमृता पटेलने 1 तास 29 मिनिटे 38 सेकंदांची वेळ नोंदवत दुसरे स्थान मिळवले. तेजस्विनी लंबकर्णेने 1 तास 30 मिनिटे 15 सेकंदांत शर्यत पूर्ण करत तिसरा क्रमांक पटकावला.

Hong Kong Sixes : ऑस्ट्रेलियाला नमवत अफगाणिस्तानने जिंकला जेतेपदाचा मान, इमरानची धुवांधार खेळी

10 किलोमीटर गटातील विजेते

पुरुषांच्या राज्यस्तरीय 10 किलोमीटर गटात स्वराज एसने 30 मिनिटे 42.7 सेकंदांची वेळ नोंदवत पहिले स्थान मिळवले. अनिल जाधव (31:08.9) दुसरा, तर अजय पाल (31:08.18) तिसरा ठरला.

महिला 10 किलोमीटर गटात साक्षी पवारने 38:45.05 वेळेसह प्रथम क्रमांक मिळवला. प्रियांका ओक्सा (40:30.05) दुसरी, तर कोमल खांडेकर (41:24.9) तिसरी ठरली.

19 वर्षांखालील गटाचा निकाल

मुलांच्या 19 वर्षांखालील 10 किलोमीटर गटात गोविंद पाडेकर (31:39.09) प्रथम, तेजस सपकाळे (32:49.02) द्वितीय, तर जय बोऱ्हाडे (33:10.08) तृतीय ठरला.

मुलींच्या गटात खुशी सिंगने 39:39.09 वेळेसह पहिले स्थान मिळवले. अंजली पंडित (41:41.05) दुसरी, तर वर्षा पाटील (45:01.04) तिसरी ठरली.

Web Title: Young india marathon lovepreet singh ravina gaikwad winners rk

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com