व्हेल माशाची ‘उलटी’ घेऊन जात होते चौघे; तस्करीचा पर्दाफाश, २ कोटी ४६ लाखांचा मुद्देमाल जप्त

पणदूर तिठा येथे व्हेल माशाच्या उलटीसह (अंबरग्रीस) चौघांना ताब्यात घेण्यात आले. कारवाईत २ किलो ३७३ ग्रॅम वजनाच्या व्हेल माशाच्या उलटीसह एकूण २ कोटी ४६ लाख किंमतीचा मुद्देमाल जप्त करण्यात आला आहे.

• पोलिसांनी २ किलो ३७३ ग्रॅम वजनाचे अंबरग्रीस जप्त केले असून त्याची किंमत २ कोटी ३७ लाख ३० हजार रुपये आहे.
• अंबरग्रीससह वाहने असा एकूण २ कोटी ४६ लाख रुपयांचा मुद्देमाल पोलिसांनी ताब्यात घेतला आहे.
• या प्रकरणी चौघांविरोधात वन्यजीव संरक्षण अधिनियम १९७२ अंतर्गत कुडाळ पोलीस ठाण्यात गुन्हा दाखल करण्यात आला आहे.

मुंबई-गोवा महामार्गावरील पणदूर तिठा येथे व्हेल माशाच्या उलटीसह (अंबरग्रीस) ४ जणांना ताब्यात घेण्यात आले आहे. ही कारवाई स्थानिक गुन्हा अन्वेषण शाखा सिंधुदुर्ग यांनी शनिवारी संध्याकाळी ६.२० वाजण्याच्या सुमारास केली. या कारवाईत २ कोटी ३७ लाख ३० हजार किंमतीच्या २ किलो ३७३ ग्रॅम वजनाच्या व्हेल माशाच्या उलटीसह (अंबरग्रीस) ४ जणांना ताब्यात घेत एकूण २ कोटी ४६ लाख किंमतीचा मुद्देमाल ताब्यात घेण्यात आला आहे.

सासवडला पुन्हा तीन मेडिकल दुकाने फोडली, पोलिसांना चोरट्यांचे आव्हान; कोम्बिंग ऑपरेशन सुरु

पणदूर ते कडावल जाणाऱ्या मुख्य रस्त्यालगत सापळा रचून ही कारवाई करण्यात आली. या कारवाईत संकेत संतोष चव्हाण (वय- २६ वर्षे, रा. रवळनाथनगर, ओरोस मूळ रा. निरूखे, ता. कुडाळ), महेश लक्ष्मण रेवणकर (वय-३५ वर्षे, सध्या रा. कुवारबांव-रत्नागिरी, मूळ रा. रेवंडी, ता.मालवण), अमेय पुंडलिक देसाई (वय-३१ वर्षे, रा. ओरोस रवळनाथ नगर, ता. कुडाळ) आणि अमित अरूण अणावकर (वय ३९ वर्षे, रा. अणाव, ता. कुडाळ) यांना शीताफीने ताब्यात घेतले असता त्यांच्याकडून २ कोटी ३७ लाख ३० हजार किंमतीच्या २ किलो ३७३ ग्रॅम वजनाच्या प्रतिबंधीत व्हेल माशाच्या उलटीसह (अंबरग्रीस) पदार्थ आणि या गुन्ह्यात वापरण्यात आलेली वाहने असा एकूण २ कोटी ४६ लाख किंमतीचा मुद्देमाल ताब्यात घेवून कुडाळ पोलीस ठाणे येथे त्यांच्या विरुद्ध वन्यजीव (संरक्षण) अधिनियम १९७२ चे कलम ३९, ४२, ४३, ४४, ४८, ५१ प्रमाणे येथे गुन्हा नोंद करण्यात आलेला आहे.

पत्नीच्या प्रियकराला चाकूने भोसकून संपवलं; पुणे-सातारा महामार्गावरील सारोळे गावातील थरार

सदरची कारवाई मोहन दहिकर, (पोलीस अधीक्षक सिंधुदुर्ग), नयोमी साटम (अप्पर पोलीस अधीक्षक सिंधुदुर्ग), दीपक शेलार (परि. पोलीस उपअधीक्षक सिंधुदुर्ग) यांच्या सुचनेनुसार पोलीस निरीक्षक प्रवीण कोल्हे यांचे मार्गदर्शनाखाली स्थानिक गुन्हे अन्वेषण शाखेचे सहा. पोलीस निरीक्षक सनील पाटील, पोलीस उपनिरीक्षक अनिल हाडळ, पोलीस उपनिरीक्षक हनुमंत भोसले, सहाय्यक पोलीस उपनिरीक्षक सुरेश राठोड, एचसी विल्सन डिसोजा, आशीष जामदार, पीसी अमर कांडर यांच्या पथकाने केलेली आहे.