अशोक खरातनंतर आणखी एक प्रकरण समोर; भोंदूने ‘मी शंकर, तू पार्वती…’ म्हणत अत्याचार
काय नेमकं प्रकरण?
पीडित महिलेने दिलेल्या तक्रारीनुसार ऋषिकेश वैद्य याने २०२३ मध्ये सोशल मीडियाच्या माध्यमातून तिच्याशी ओळख वाढवली. स्वतःला ‘शंकराचा अवतार’ आणि महिलेला ‘तू माझी पार्वती आहेस’ असे सांगून त्याने तिचा विश्वास संपादन केला. त्यानंतर पुण्यात भेटीत लॉजमध्ये नेऊन गुंगीचे औषध देत बलात्कार केल्याचा आरोप आहे. तसेच, वसईत पुन्हा लैंगिक अत्याचार केल्याचेही महिलेने सांगितले असून त्यानंतर आरोपीने फोटो आणि व्हिडिओच्या आधारे तिला ब्लॅकमेल केल्याचा गंभीर आरोप आहे. २०२५ पर्यंत हा प्रकार सुरू असल्याचे तक्रारीत नमूद करण्यात आले आहे. दरम्यान, ऋषिकेश वैद्य याने धर्मगुरू असल्याचे भासवून अनेक मुलीना आपल्या जाळ्यात ओढून त्यांचे लैंगिक शोषण केल्याचे पीडित महिलेने सांगितले आहे.
पोलीस तपास सुरु
बुधवारी रात्री या भोंदू बाबा ऋषिकेश वैद्य याच्या विरोधात झिरो नंबर वर गुन्हा दाखल करण्यात आला आहे. बलात्काराची पहिली घटना पुण्यात घडली असल्याने हे प्रकरण पुण्यातील मांजरी पोलीस ठाण्यात वर्ग केल्याची माहिती माणिकपूर पोलीस ठाण्याचे वरिष्ठ पोलीस निरीक्षक हिरालाल जाधव यांनी दिली. पोलिसांनी त्याला ताब्यात घेण्यासाठी गुरुवारी रात्री त्याच्या वसईतील निवासस्थानी धाड टाकली, मात्र तो तेथे आढळून आला नाही. त्यामुळे आता त्याला फरार होण्यास व मोबाईलमधील महत्त्वाचे पुरावे नष्ट करण्यास वेळ मिळण्याची शक्यता व्यक्त केली जात आहे. याप्रकरणी, पोलीस अधिक तपास करत आहेत.
Ans: स्वतःला देवाचा अवतार सांगून विश्वास संपादन केला.
Ans: गुंगीचे औषध देऊन आणि नंतर ब्लॅकमेल करून.
Ans: आरोपी फरार असून पोलिसांकडून शोधमोहीम सुरू आहे.
