शुक्रवार, 13 नोव्हेंबर 2026
Kanpur-Delhi Daily Train: रेल्वेचा मोठा निर्णय! (फोटो सौजन्य- सोशलमीडिया)
रेल्वेने सांगितल्यानुसार, गाडी नंबर 14153 कानपूर सेंट्रल – आनंद विहार मेल कानपूरहून रात्री 8 वाजून 40 मिनिटांनी सुटेल आणि दुसऱ्या दिवशी सकाळी 4 वाजून 50 मिनिटांनी आनंद विहारला पोहोचेल. परत येताना गाडी नंबर 14154 आनंद विहार – कानपूर सेंट्रल मेल आनंद विहारहून रात्री 11 वाजून 25 मिनिटांनी सुटेल आणि सकाळी 7 वाजून 25 मिनिटांनी कानपूरला पोहोचेल. ही गाडी एकूण 428 किलोमीटरचा प्रवास करेल.जाताना 8 तास 10 मिनिटं लागतील आणि येताना 8 तास लागतील. रात्रीचा प्रवास असल्यामुळे दिवस वाया जाणार नाही.
Cyclone Arnab : ‘अर्नब’ चक्रीवादळाचा हाहाकार; नद्या-नाले तुडूंब, अनेक गावांचा संपर्क तुटला
ही ट्रेन फक्त कानपूर ते दिल्लीच नाही तर मधल्या महत्वाच्या स्टेशनवर पण थांबणार आहे. त्यामुळे त्या भागातल्या लोकांना पण फायदा होईल. ही नवीन ट्रेन फाफुंद, इटावा, टुंडला, हाथरस, अलीगढ, खुर्जा, दादरी आणि गाझियाबाद या स्टेशनवर थांबेल. ही सगळी मोठी स्टेशन आहेत आणि तिथे रोज खूप लोक प्रवास करतात.
रेल्वेचं म्हणणं आहे की,या डेली मेलमुळे कानपूर आणि दिल्लीमधलं कनेक्शन अजून मजबूत होईल. लोकांना रात्री प्रवास करायला एक चांगला पर्याय मिळेल आणि दिवसभर काम करून रात्री प्रवास करता येईल.आणखी एक मोठं काम पण मंजूरया ट्रेन सोबतच रेल्वेने अजून एका कामाला मंजुरी दिली आहे. पश्चिम रेल्वेच्या वडोदरा विभागात अलकापुरी इथे चार पदरी रोड ओव्हर ब्रिज म्हणजे उड्डाणपूल बांधला जाणार आहे. त्यासाठी एकूण 166.5 कोटी रुपये खर्च येणार आहे.यात रेल्वेचा वाटा 83.27 कोटी असेल आणि राज्य सरकारचा वाटा पण 83.27 कोटी असेल. खर्च दोघं मिळून करणार आहेत. या पुलामुळे तिथली वाहतूक कोंडी कमी होईल.एकंदरीत, कानपूर-दिल्ली प्रवास करणाऱ्यांसाठी ही नवीन ट्रेन एकदम फायद्याची ठरणार आहे. रोजची ट्रेन असल्यामुळे तिकीट मिळायला पण सोपं जाईल.
