जमलंच तर एखादं मुख्यमंत्रीपद किंवा गृहमंत्रीपद उतरून टाका..! काळजीवाहू मुख्यमंत्र्यांवर टीकेची झोड

विधानसभा निवडणुकीच्या निकालानंतर देखील सत्तास्थापन न केल्यामुळे विरोधक आक्रमक झाले आहे. एकनाथ शिंदे यांची प्रकृती खराब झाल्यामुळे सुषमा अंधारेंनी टोला लगावला आहे.

एकनाथ शिंदे सरकारात्मक नसतील तर

Follow Us:

Follow Us:

मुंबई : राज्यामध्ये विधानसभा निवडणूक झाली असली तरी अद्याप सरकार स्थापन झालेले नाही. निकाल जाहीर होऊन एक आठवडा झाला असला तरी देखील सरकार स्थापनेचा दावा करण्यात आलेला नाही. यामध्ये एकनाथ शिंदे यांची प्रकृती खराब झाली आहे. त्यामुळे ते दरे या त्यांच्या मूळ गावी गेले आहेत. एकनाथ शिंदे यांनी अचानक सर्व बैठका रद्द करुन गावी गेल्यामुळे विरोधकांनी टीकेची झोड उठवली आहे. शिवसेना ठाकरे गटाचे नेते देखील जोरदार टीका करत आहेत.

एकनाथ शिंदे यांनी दिल्लीवारी करुन अमित शाह यांची भेट घेतल्यानंतर ते नाराज असल्याची चर्चा रंगली होती. एकनाथ शिंदे यांनी मुख्यमंत्रिपदावरचा दावा सोडला असला तरी देखील त्यांनी गृहमंत्री व नगर विकास या खात्यांची मागणी केली आहे. मात्र ही खाती देण्यासाठी भाजप तयार नसल्याचे बोलले जात आहे. यामुळे एकनाथ शिंदे हे नाराज होऊन गावी गेल्याचे चर्चा होती. मात्र त्यांची प्रकृती खराब असल्याची माहिती समोर आली होती. शिंदेंवर उपचारासाठी डॉक्टरांचे पथक देखील रवाना झाले होते. तसेच देवेंद्र फडणवीस यांनी देखील फोन करुन विचारपूस केली होती. यानंतर आता शिवसेना ठाकरे गटाच्या उपनेत्या सुषमा अंधारे यांनी सोशल मीडियावर पोस्ट करुन एकनाथ शिंदे यांना टोला लगावला आहे.

राजकीय बातम्या वाचा एका क्लिकवर

सुषमा अंधारे यांनी सोशल मीडियावर पोस्ट करुन एकनाथ शिंदे यांच्यावर निशाणा साधला आहे. सुषमा अंधारे यांनी लिहिले आहे की, ताप हाय का..ताप हाय का असं म्हणून नुसताच गाव गोळा काय करताय?  बाहिरवसा झाला असंल. तीन वाटाची माती, (सुरतगुवाहाटीगोवा), लिंबू मिरची, काळी बाहुली, उलट्या पखाचं कोंबडं आणि जमलंच तर एखादं मुख्यमंत्रीपद/गृहमंत्रीपद उतरून टाका..! नाही फरक पडला तर EDचा X-ray काढून बघा..!! असा टोला सुषमा अंधारे यांनी लगावला आहे. यामध्ये त्यांनी एकनाथ शिंदे यांचे नाव न घेता त्यांच्यावर जोरदार टीका केली आहे.

ताप हाय का..ताप हाय का असं म्हणून नुसताच गाव गोळा काय करताय? बाहिरवसा झाला असंल. तीन वाटाची माती, (सुरतगुवाहाटीगोवा), लिंबू मिरची, काळी बाहुली, उलट्या पखाचं कोंबडं आणि जमलंच तर एखादं मुख्यमंत्रीपद/गृहमंत्रीपद उतरून टाका..!
नाही फरक पडला तर EDचा X-ray 🩻 काढून बघा..!! @PTI_News pic.twitter.com/RTgRoBgDRr

— SushmaTai Andhare (@andharesushama) November 30, 2024

महाराष्ट्र विधानसभा निवडणुकीच्या संबंधित बातम्या वाचण्यासाठी येथे क्लिक करा

संजय राऊत यांनी देखील माध्यमांशी संवाद साधताना एकनाथ शिंदेंवर टीका केली होती. खासदार संजय राऊत म्हणाले की, एकनाथ शिंदे हे होणाऱ्या 5 तारखेच्या शपथविधीला तरी येणार आहेत का? त्यांना खरंच डॉक्टरांची गरज आहे की मांत्रिकाची गरज आहे. हे मांत्रिक अमित शाह किंवा नरेंद्र मोदी पाठवतील. यांच्या अंगामध्ये जी भुतं संचारली आहेत ती उतरवायला लागतील. हे काम आता देवेंद्र फडणवीस करत असतील तर ही चांगली गोष्ट आहे, असा टोला संजय राऊत यांनी लगावला होता.

Web Title: Eknath shinde health update shiv sena targeted by sushma andhare

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com