अमृता खानविलकरला ‘नटरंग’ कलागौरव पुरस्कार जाहीर; ‘या’ तारखेला बालगंधर्व रंगमंदिरात पुरस्कार वितरण

लोकप्रिय अभिनेत्री आणि नृत्यांगना अमृता खानविलकरला नटरंग ॲकॅडमीतर्फे दिला जाणारा ३२वा स्व. शाहीर मधू कडू स्मृती नटरंग प्रतिष्ठान कलागौरव पुरस्कार जाहीर झाला आहे.

• अमृता खानविलकरला ‘नटरंग’ कलागौरव पुरस्कार जाहीर
• बालगंधर्व रंगमंदिरात पुरस्कार वितरण
• चंद्रकांत पाटील आणि आमदार हेमंत रासने यांच्या हस्ते पुरस्कार

पुणे : लोकप्रिय अभिनेत्री आणि नृत्यांगना अमृता खानविलकर ला नटरंग ॲकॅडमीतर्फे दिला जाणारा ३२वा स्व. शाहीर मधू कडू स्मृती नटरंग प्रतिष्ठान कलागौरव पुरस्कार जाहीर झाला आहे. तसेच चौथा स्वर्गीय गिरीश बापट स्मृती नटरंग प्रतिष्ठान सामाजिक कृतज्ञता पुरस्कार गणेशभक्त व सामाजिक कार्यकर्ते शिरीष मोहिते यांना प्रदान करण्यात येणार आहे. पुरस्कार वितरण सोहळा शुक्रवार, २९ मे २०२६ रोजी सायंकाळी ५ वाजता बालगंधर्व रंगमंदिर येथे होणार आहे. उच्च व तंत्रशिक्षण मंत्री चंद्रकांत पाटील आणि आमदार हेमंत रासने यांच्या हस्ते पुरस्कार प्रदान करण्यात येणार असल्याची माहिती नटरंग ॲकॅडमीच्या अध्यक्षा स्वरदा बापट आणि कार्याध्यक्ष जतिन पांडे यांनी दिली.

 

स्व. शाहीर मधू कडू यांच्या स्मरणार्थ दिल्या जाणाऱ्या या पुरस्कारात शाल, श्रीफळ, तुळशीचे रोप, स्मृतिचिन्ह, गौरवपत्र, मानाचा फेटा आणि रोख रक्कम यांचा समावेश आहे. तसेच सामाजिक आणि सांस्कृतिक क्षेत्रातील योगदानाची दखल घेत स्वर्गीय गिरीश बापट यांच्या स्मृतीप्रित्यर्थ सामाजिक कार्यकर्त्यांचा गौरव करण्यात येतो.

हे सुद्धा वाचा : रणवीर सिंहने सोडला ‘Don 3’ चित्रपट, संकटात सापडला अभिनेता; FWICE ने घातली बंदी, काय आहे प्रकरण

अमृता खानविलकरने नटरंग, कट्यार काळजात घुसली, राझी, मलंग आणि चंद्रमुखी यांसारख्या चित्रपटांत अभिनय आणि नृत्याद्वारे विशेष ओळख निर्माण केली आहे. सोशल मीडियावर देखील अमृता कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अमृता स्वतःचे फोटो आणि व्हिडीओ सोशल मीडियावर पोस्ट करत असते. तर शिरीष मोहिते यांनी जय गणेश व्यासपीठ आणि सेवा मित्र मंडळ यांच्या माध्यमातून विविध सामाजिक उपक्रम राबवत सामाजिक क्षेत्रात उल्लेखनीय कार्य केले आहे. सोहळ्यानिमित्त नटरंग कला ॲकॅडमीच्या १२५ कलाकारांचा ‘नृत्यरंग’ हा विशेष कार्यक्रमही सादर करण्यात येणार असून हा कार्यक्रम सर्वांसाठी खुला असणार आहे.

हे सुद्धा वाचा : दुहेरी आनंद! दिव्यांका – विवेकने दिली चाहत्यांना खुषखबर, ‘करण अर्जुन आ गए’; जुळ्या मुलांना दिला जन्म