गुरुवार, 5 नोव्हेंबर 2026
सौजन्य फोटो - AI Gemini
जळगाव जिल्हा परिषद बांधकाम विभागातील उपविभागीय अधिकारी सतीश मन्सुलाल शिसोदे असे लाच घेणाऱ्या भ्रष्ट अधिकाऱ्याचे नाव आहे. रस्त्याच्या १० लाखांच्या कामाच्या बिलासाठी या अधिकाऱ्याने १० हजार रुपयांची लाच मागितली होती. लाचलुचपत प्रतिबंधक विभागाने (ACB) सापळा रचून सतीश शिसोदे याला १० हजारांची लाच स्वीकारताना रंगेहात बेड्या ठोकल्या. या कारवाईनंतर एसीबीच्या पथकाने शिसोदे यांच्या घराची आणि बँकेच्या लॉकरची कसून झडती घेतली.
घराची आणि बँक लॉकरची झडती घेतली असता, लाचलुचपत प्रतिबंधक विभागाला तब्बल ५ कोटी १६ लाख ८८ हजार ३८९ रुपयांची अफाट मालमत्ता आढळून आली. यामध्ये आदर्शनगरमधील दोन आलिशान घरं आणि ७ लाख ९७ हजार रुपयांची रोकड जप्त करण्यात आली. याशिवाय, बँक लॉकरमध्ये तब्बल ३ कोटी ७४ लाखांचे सोन्या-चांदीचे दागिने सापडले. यामध्ये तब्बल २ हजार ५२४ ग्रॅम सोने, ११ हजार ६३३ ग्रॅम चांदी आणि १०१ ग्रॅम प्लॅटिनमच्या दागिन्यांचा समावेश आहे. इतक्या मोठ्या प्रमाणावर बेहिशोबी संपत्ती कशी जमवली, याबाबत आता एसीबीकडून सखोल पडताळणी केली जात आहे.
