मंगळवार, 27 ऑक्टोबर 2026
Imran Khan (फोटो सौजन्य- सोशलमीडिया)
अभिनेता इमरान खान सध्या एका वेगळ्याच कारणामुळे चर्चेत आला आहे. मुंबई हायकोर्टाने त्याला दिलासा देत भारत सोडण्यासंदर्भात मिळालेल्या नोटीसला तात्पुरती स्थगिती दिली. त्यामुळे या प्रकरणात पुढील सुनावणी होईपर्यंत त्याच्यावर कारवाई केली जाणार नाही. न्यायालयात झालेल्या सुनावणीनंतर हा निर्णय घेण्यात आला. पुढील सुनावणी येत्या 2 नोव्हेंबरला दुपारी 3 वाजता होणार आहे.
इमरान खानला केंद्र सरकारकडून भारत सोडण्याची नोटीस देण्यात आली होती. या नोटिशीमुळे त्याच्या आयुष्यात अडचणी वाढल्या होत्या. त्याने न्यायालयाला आव्हान दिले. आपल्याला कोणतेही बरोबर कारण नसताना ही नोटीस पाठवल्याचे याचिकेत म्हटले आहे. दरम्यान आता न्यायालय काय निर्णय घेईल यावर लक्ष आहे. Imran Khan :
10 ऑक्टोबर रोजी मुंबईतील ऑगस्ट क्रांती मैदानात एक आंदोलन झाले होते. या आंदोलनात इमरान खान सहभागी झाले. त्यानंतर मुंबई पोलिसांनी इमरानवर परदेशी नागरिकांसाठी असलेल्या कायदा मोडल्याचे गंभीर आरोप केला. दरम्यान त्याच्यावरुन त्याला 28 ऑक्टोबरपर्यंत भारत सोडून जाण्यात सांगण्यात आले होते.
मात्र, इमरान खानला ही नोटीस मान्य नव्हती. कोणतीही नीट कारण न देता भारत सोडण्यास कसे सोडायचा असे दावा त्याने केला. ही कारवाई अन्यायकारक असून आपल्याला विनाकारण या प्रकरणात ओढले जात असल्याचेही त्याने न्यायालयात सांगितले.
यानंतर त्याने मुंबई हायकोर्टात याचिका दाखल करण्यात आली असून न्यायालयात सुनावणी सुरू आहे. तसेच केंद्र सरकारच्यावतीने अतिरिक्त सॉलिसिटर जनरल यांनी सुनावणी पुढे ढकलण्याची विनंती केली. तसेच, पुढील सुनावणीपर्यंत इमरान खानवर कोणतीही दंडात्मक कारवाई केली जाणार नसल्याचते सांगितले आहे. त्यानंतर न्यायालयाने नोटिशीच्या अंमलबजावणीला तात्पुरती स्थगिती दिली.
इमरान खानने आपल्या याचिकेत भारतीय संविधानातील अनुच्छेद 14 आणि 21 यांचा आधार घेतला आहे. भारतात राहणाऱ्या परदेशी नागरिकांनाही कायद्यानुसार समान वागणूक आणि जीवनाचे संरक्षण मिळायला हवे, असे त्याचे म्हणणे आहे.
इमरान खान हा अमेरिकेचा नागरिक आहे. त्याच्याकडे ओव्हरसीज सिटिझन ऑफ इंडिया म्हणजेच OCI कार्डदेखील आहे. या पार्श्वभूमीवर त्याने आपल्याला दिलेल्या नोटिशीच्या कायदेशीर बाबींवर प्रश्न उपस्थित केले आहेत. सध्या न्यायालयाने त्याला तात्पुरता दिलासा दिला असला, तरी या प्रकरणाचा अंतिम निकाल लागलेला नाही. पुढील सुनावणीत कोणते मुद्दे समोर येतात, हे पाहणे महत्त्वाचे ठरेल.
इमरान खानने बालकलाकार म्हणून आपल्या अभिनयाची सुरुवात केली होती. 1988 मध्ये तो पहिल्यांदा चित्रपटात दिसला. पुढे 2008 मध्ये ‘जाने तू… या जाने ना’ या चित्रपटातून त्याने मुख्य अभिनेता म्हणून प्रेक्षकांसमोर प्रवेश केला. या चित्रपटामुळे त्याला तरुणांमध्ये चांगली लोकप्रियता मिळाली.
यानंतर त्याने ‘किडनॅप’, ‘ब्रेक के बाद’, ‘एक मैं और एक तू’, ‘मटरू की बिजली का मंडोला’, ‘बॉम्बे टॉकीज’ आणि ‘गोरी तेरे प्यार में’ यांसारख्या चित्रपटांत काम केले. 2015 मध्ये प्रदर्शित झालेल्या ‘कट्टी बट्टी’नंतर तो चित्रपटांपासून दूर राहिला. त्यामुळे त्याच्या चाहत्यांनाही त्याच्या नव्या चित्रपटाची उत्सुकता होती. दहा वर्षांच्या अंतरानंतर 2026 मध्ये ‘हॅप्पी पटेल: खतरनाक जासूस’ या चित्रपटातून त्याने पुन्हा अभिनयाच्या क्षेत्रात पाऊल ठेवले.
आता इमरान खानच्या बाबतीत सुरू असलेल्या कायदेशीर प्रकरणाची चर्चा होत आहे. हायकोर्टाच्या निर्णयामुळे त्याला काही काळासाठी दिलासा मिळाला आहे. मात्र, भारत सोडण्याच्या नोटिशीबाबत अंतिम निर्णय होण्यासाठी पुढील सुनावणी महत्त्वाची ठरणार आहे. त्यामुळे 2 नोव्हेंबरला न्यायालयात काय घडते, याकडे सर्वांचे लक्ष असेल.
Ans: भारत सोडण्यासंदर्भात मिळालेल्या नोटिशीच्या अंमलबजावणीला न्यायालयाने तात्पुरती स्थगिती दिली.
Ans: पुढील सुनावणी २ नोव्हेंबर रोजी दुपारी ३ वाजता होणार आहे.
Ans: इमरान खान हा अमेरिकेचा नागरिक असून त्याच्याकडे ओव्हरसीज सिटिझन ऑफ इंडिया (OCI) कार्डदेखील आहे.
