शनिवार, 12 सप्टेंबर 2026
Tujhyakade Tula Magne Actress: राकेश बापटच्या नव्या मालिकेची (फोटो सौजन्य- सोशलमीडिया)
इरा कॉलेजच्या शेवटच्या वर्षाला आहे. मनाने एकदम मायाळू गोड बोलून समोरच्याचा राग कमी करते. तिचा लहान मुलांवर खूप जीव होता. चांगल्या माणसांसाठी ती काहीही करायला तयार असते. पण कोणी तिच्या चांगुलपणाचा फायदा घेतला तर मात्र हीच शांत असलेली इरा अन्यायाविरुद्ध पेटून उठते. अशी ही इरा प्रेक्षकांना नक्की आवडेल.
तिच्या नवीन भूमिकेबद्दल बोलताना सायली साळुंखे म्हणाली, “इरा माझ्यासाठी खूप स्पेशल आहे. स्टार प्रवाहसोबत माझं खूप जुनं नातं आहे. पुन्हा एकदा या परिवारात येतेय याचा खूप आनंद आहे. आणि सगळ्यात भारी गोष्ट म्हणजे गणपती बाप्पा येत असतानाच या मालिकेची घोषणा झाली, हा बाप्पाचाच आशीर्वाद आहे. इराच्या कॅरेक्टरला खूप सारे पदर आहेत. हिंदी मालिका केल्यानंतर मराठीत पण अशीच छान भूमिका करायची इच्छा होती. ‘तुझ्याकडे तुला मागणे’ मुळे ती इच्छा पूर्ण झाली. तर ही नवीन मालिका नक्की बघा, लवकरच फक्त स्टार प्रवाहवर”
मालिकेत राकेश बापट पण एका वेगळ्या भूमिकेत दिसणार आहे. तो एका सिंगल फादरची भूमिका करतोय. प्रोमोमध्ये त्याचा एक डायलॉग आहे – “ईशानचा बाबा पण मीच आणि आई पण मीच”. हा डायलॉग ऐकूनच लोकांच्या डोळ्यात पाणी आलं. त्याच्या मुलाची भूमिका म्हणजे ईशानची भूमिका बालकलाकार क्रियान पेडणेकर करणार आहे. बाप आणि मुलीच्या नात्याची ही गोष्ट असणार आहे.
राकेश बऱ्याच वर्षांनी मराठी मालिकेत येत आहे. त्यामुळे त्याच्या फॅन्समध्ये खूप उत्सुकता आहे. सायलीने पण आधी ‘शुभमंगल ऑनलाईन’ सारख्या मालिकेतून लोकांची मनं जिंकली होती. आता ही दोघांची जोडी कशी वाटणार हे बघायला मजा येणार आहे. एकिकडे इरा ही स्वतंत्र विचारांची मुलगी आणि दुसरीकडे एक सिंगल फादर. या दोघांची गोष्ट कशी जुळणार? त्यांच्या आयुष्यात काय ट्विस्ट येणार? हे सगळं बघण्यासाठी प्रेक्षकांना थोडी वाट बघावी लागणार आहे. मालिका लवकरच स्टार प्रवाहवर सुरु होणार आहे. सोशल मीडियावर तर आधीपासूनच या मालिकेची चर्चा सुरु झाली आहे.
Sayani Gupta: सयानी गुप्ताची आंतरराष्ट्रीय झेप; ‘आर्या’मध्ये ‘रिव्हरडेल’ फेम रॉस बटलरसह झळकणार
