रविवार, 4 ऑक्टोबर 2026
सौजन्य फोटो - सोशल मिडीया
अनमोल विश्वकर्मा हा हांडेवाडी रोड, हडपसर येथील सिग्नेट पब्लिक स्कूलमध्ये शिक्षण घेत असल्याची माहिती आहे. उपलब्ध माहितीनुसार, शाळेतील परीक्षेदरम्यान तो कॉपी करताना आढळला होता. याबाबत शिक्षकांनी त्याला समज दिली आणि ही बाब पालकांना सांगण्यात येणार असल्याचे सांगितले होते. त्यानंतर तो घाबरला आणि ९ सप्टेंबर रोजी बेपत्ता झाल्याचे सांगण्यात येत आहे. मुलगा घरी परतला नसल्याचे लक्षात आल्यानंतर कुटुंबीयांनी त्याचे मित्र, नातेवाईक तसेच परिसरात शोध घेतला. मात्र, अद्याप त्याचा ठावठिकाणा लागलेला नाही.
घटनेचे गांभीर्य लक्षात घेऊन अभिनेत्री जान्हवी किल्लेकर हिने अनमोलचा फोटो शेअर करत सोशल मीडियाच्या माध्यमातून नागरिकांना मदतीचे आवाहन केले आहे. मुलगा कुठेही आढळल्यास तातडीने माहिती देण्याची विनंती तिने केली आहे. “आपलं मूल जेव्हा हरवतं, तेव्हा आई-वडिलांना काय मानसिक त्रास होतो, हे फक्त आई-वडीलच समजू शकतात,” असे सांगत अनमोलचा शोध घेण्यासाठी ही माहिती जास्तीत जास्त शेअर करण्याचे आवाहन तिने केले.
नाव : अनमोल मोतीलाल विश्वकर्मा
वय : १४ वर्षे
शाळा : सिग्नेट पब्लिक स्कूल
परिसर : हांडेवाडी रोड, हडपसर, पुणे
अनमोलबाबत कोणाला काही माहिती मिळाल्यास जवळच्या पोलीस ठाण्यात तातडीने संपर्क साधण्याचे आवाहन करण्यात आले आहे.
