शुक्रवार, 6 नोव्हेंबर 2026
Sanjay Mone : (फोटो सौजन्य- सोशलमीडिया)
मराठी सिनेसृष्टीतले ज्येष्ठ अभिनेते, लेखक आणि दिग्दर्शक संजय मोने सध्या सोशल मीडियावर जोरात चर्चेत आहेत. कारण आहे ‘कोण होणार करोडपती’ हा कार्यक्रम.या नव्या पर्वात माधुरी दीक्षित सूत्रसंचालन करतेय. कार्यक्रम बघितल्यावर संजय मोने यांनी एक उपरोधिक पोस्ट टाकली. आणि मग काय, सोशल मीडियावर वादच सुरू झाला. काहींनी त्यांच्या मताला पाठिंबा दिला, तर काहींनी त्यांना ट्रोल करायला सुरुवात केली. आता या सगळ्या टीकेला मोने यांनी चांगलंच उत्तर दिलंय.Sanjay Mone :
‘कोण होणार करोडपती’ मध्ये माधुरी सूत्रसंचालन करताना दिसतेय. कार्यक्रम पाहून मोने यांनी अमिताभ बच्चन आणि माधुरी दीक्षित यांच्या संदर्भात एक पोस्ट लिहिली होती. त्यात त्यांनी एक जुनी मराठी म्हण वापरून कार्यक्रमाच्या सादरीकरणावर प्रश्न उपस्थित केला होता.
पण नंतर त्यांनी हे पण स्पष्ट केलं की, माझी टीका माधुरीच्या अभिनयावर किंवा तिच्या व्यक्तिमत्त्वावर नव्हती. मला फक्त कार्यक्रमाचं सादरीकरण कसं होतंय, याबद्दल बोलायचं होतं. कलाकार म्हणून माधुरी किती मोठी आहे, हे मला माहीत आहे.पण सोशल मीडियावर लोकांना निमित्तच लागतं. त्यांची पोस्ट बघून अनेकांनी त्यांना ट्रोल करायला सुरुवात केली.
काही नेटकऱ्यांनी तर हद्दच केली. त्यांनी मोने यांच्या वैयक्तिक आयुष्यावर टिप्पणी करायला सुरुवात केली. त्यांच्या पत्नीचा उल्लेख करत, तुमच्या बायको तुमच्यापेक्षा जास्त लोकप्रिय आहे, असं म्हणायला लागले.यावर मोने यांनी फारच शांत आणि रोखठोक उत्तर दिलं. ते म्हणाले, माझी बायको माझ्यापेक्षा जास्त लोकप्रिय आणि गुणी आहे, हे मी 27 वर्षांपूर्वीच मान्य केलंय. त्यामुळे तुम्ही हे सांगून मला राग येईल असं वाटत असेल तर ते चुकीचं आहे.
Rise and Fall 2 Winner: भाजपला रामराम, रिअॅलिटी शोमध्ये धमाका! शहजाद पूनावालाने पटकावले विजेतेपद
खरं तर त्यांच्या या उत्तराने अनेकांची तोंडं बंद झाली. एखाद्याने आपल्या बायकोचं कौतुक इतक्या मनमोकळेपणाने करणं, हे आजच्या काळात क्वचितच बघायला मिळतं.ट्रोलिंगला घाबरत नाहीत मोनेसंजय मोने हे नेहमीच स्पष्टवक्ते म्हणून ओळखले जातात. त्यांना जे वाटतं ते ते थेट बोलतात. त्यामुळे त्यांना ट्रोलिंग नवीन नाही. आधी पण अनेक वेळा त्यांच्या मतांमुळे वाद झाले आहेत.
पण यावेळी त्यांनी ट्रोलर्सना चांगलीच चपराक दिली. ते म्हणाले, तुम्हाला माझं मत पटत नसेल तर तुम्ही तुमचं मत मांडा. पण वैयक्तिक पातळीवर जाऊन बोलणं हे योग्य नाही.सोशल मीडियावर एखाद्याने मत मांडलं की लगेच त्याला ट्रोल करणं, त्याच्या घरच्यांवर जाणं, हे हल्ली खूप वाढलंय. मोने यांच्या बाबतीत पण तेच झालं.
परवा एक नोंद मी लिहिली त्यात बच्चन साहेब आणि माधुरी बाई साहेब यांच्या बद्दल लिहिलं होतं.मला त्यात दोघांच्याही बद्दल कलाकार म्हणून काहीही गैर लिहायचं नव्हतं .प्रश्न फक्त सादर करण्याबद्दल होता.माधुरी बाईच्या दिसण्यात काहीही उणीव काढताच येत नाही.
त्या उत्तम अभिनेत्री आहेत पडद्यावर सर्वोत्कृष्ट नृत्य सादर करतात .पण ज्या लोकांनी माझ्यावर भरघोस टीका केली त्यात माझ्या एकंदर लायकी बद्दल असंख्य प्रश्न उपस्थित केले त्याबद्दल मला फक्त हसायला आले.काही लोकांनी माझ्या मुलीबद्दल “तिला करायला सांगा हा कार्यक्रम “असाही प्रश्न उपस्थित केला माझ्या पत्नीबद्दल ही काहीबाही लिहिलं …माझी पत्नी माझ्याहून जास्त लोकप्रिय आहे असं ही लिहिलं त्यामुळे मी चिडून काही प्रत्युत्तर करेन असंही त्यांना वाटलं.
पण ती जास्त लोकप्रिय आहे आणि अधिक गुणी आहे हे मी 27 वर्षांपूर्वी मान्य केलं आहे.आणि काही लोकांनी माझ्या मुलीला तिने कार्यक्रम करायला सांगा असा ही प्रश्न उपस्थित केला त्याबद्दल उत्तर ..माझी मुलगी आपल्या सगळ्यांच्या मनातही येणार नाही अश्या विषयात पदव्युत्तर शिक्षण घेऊन सध्या ऑस्ट्रेलिया येथे नोकरी करत आहे.त्या आधी ती माननीय प्रकाशबाबा आमटे यांच्याकडे दीड महिना राहून आली आहे.
जिथे no mall ,no macdonald no movie ही परिस्थिती होती.इंग्रजी माध्यमात शिक्षण घेऊनही मराठी बोलतांना तुम्ही ऐकणा-या कुठल्याही कलाकारा सारखं तिच्या वाक्याची सुरुवात so ह्या शब्दांनी होत नाही.तिला हवं ते अधिक शिक्षण घेऊन मायदेशी येण्याची तीव्र इच्छा आहे पण तिच्या शिक्षणाचा उपयोग इथे आजतरी किंवा नजीकच्या भविष्यात नाही.
माझ्या लायकीबद्दल ज्यांनी लिहिले आहे त्यांना एकदाच उत्तर देऊन त्यांची कीव करावी ही ही त्यांची “लायकी”नाही पण ..मी ४२ वर्ष या व्यवसायात आहे.६० नाटकं .४० चित्रपट आणि ३० मालिका ,९ चित्रपट लेखन ७ नाटकांच लेखन केलं आहे.१०० हजार स्तंभ लेखन केलं आहे.मला शिव्या देणा-या लोकांना हेच सांगायचं आहे की समोरच्या माणसाने आपलं मत मांडल तर त्याला प्रतिक्रिया देण्याचा अधिकार अगदीच मान्य आहे पण ..तितकी तुमची लायकी असली पाहिजे.
ज्यांनी ज्यांनी प्रतिक्रिया दिल्या त्यातली एकही व्यक्ती मला तरी नामवंत वाटली नाही.आता राहिला शेवटचा प्रश्न “तुम्ही एकदा KBC सारखा कार्यक्रम करून दाखवा “तर मी मराठीत “कानाला खडा “नावाचा कार्यक्रम करून दाखवला आहे.शिवाय इतरही कार्यक्रमांच सूत्र संचालन केलं आहे.या उप्पर आता हा विषय मी संपवला आहे कारण ज्यांनी ज्यांनी लिहील आणि ते लिहितांना जितके शब्द वापरले तितक्या संख्येची पुस्तक मी वाचलेली आहेत.असंख्य वाहिन्यांनी माझ्या विधानाला खूप प्रसिद्धी दिली त्याचा अर्थ इतकाच आहे की सध्या त्यांच्याकडे काहीही दुसरी प्रसिद्धी सामुग्री नाही.
Ans: ‘कोण होणार करोडपती’ कार्यक्रमावरील त्यांच्या सोशल मीडिया पोस्टमुळे.
Ans: अभिनेत्री माधुरी दीक्षित या कार्यक्रमाचे सूत्रसंचालन करत आहेत.
Ans: त्यांनी कार्यक्रमाच्या सादरीकरणावर प्रश्न उपस्थित केले होते.
