Sunday 1996 Marathi Movie Trailer Released: (फोटो सौजन्य- सोशलमीडिया)
कधी काळाचं चक्र उलटं फिरतं, कधी भूतकाळ वर्तमानाचा पाठलाग करू लागतो… आणि मग सुरू होतो नात्यांचा, भावनांचा आणि अनुत्तरित प्रश्नांचा गुंतागुंतीचा खेळ! याच रहस्यमय वळणांवर उलगडत जाते ‘संडे १९९६’ची थरारक कहाणी. भूतकाळ आणि वर्तमानाच्या सीमारेषेवर अडकलेल्या प्रश्नांची उत्तरं शोधणारा हा प्रवास अनेक अनपेक्षित घटनांनी प्रेक्षकांची उत्कंठा वाढवणार आहे.
गणेश यादव, पंकज विष्णू आणि ओंकार राऊत या तीनही कलाकारांनी आपल्या आजवरच्या कामातून अभिनयाची वेगळी छाप उमटवली आहे. ‘संडे १९९६’मध्ये हे कलाकार कोणत्या व्यक्तिरेखांमधून प्रेक्षकांसमोर येणार? त्यांच्या भूमिकांचा कथानकाशी नेमका काय संबंध असणार? आणि घटनांना कोणतं अनपेक्षित वळण मिळणार? हे जाणून घेण्याची उत्सुकता ट्रेलरमुळे अधिकच वाढली आहे. चित्रपटात या तिघांसह सुनील गोडबोले, शिवानी बने, सायली पाचपुते आणि गौरवी महांगडे यांच्या भूमिका आहेत.
या चित्रपटाची कथा आणि तिची गूढ मांडणी सुरुवातीपासूनच मला भावली. कोकणाची पार्श्वभूमी, कथानकातील अनपेक्षित वळणं आणि कलाकारांचा प्रभावी अभिनय यांमुळे हा चित्रपट प्रेक्षकांना शेवटपर्यंत खिळवून ठेवेल, असा विश्वास निर्मात्या नीलांबरी विक्रांत यांनी व्यक्त केला.
‘संडे १९९६’मध्ये प्रत्येक घटना, प्रत्येक नातं आणि प्रत्येक वळणामागे एक रहस्य दडलं आहे. प्रेक्षकांनी केवळ पडद्यावर घडणाऱ्या घटना पाहू नयेत, तर त्यामागचे धागेदोरे जोडत या गूढ प्रवासाचा भाग व्हावं, अशी माझी इच्छा आहे. प्रत्येक उत्तरातून नवा प्रश्न निर्माण करणारी आणि शेवटपर्यंत उत्कंठा कायम ठेवणारी ही कथा प्रेक्षकांना नक्कीच एका वेगळ्या अनुभवातून घेऊन जाईल असं लेखक-दिग्दर्शक जीवन चव्हाण यांनी सांगितलं.
कोकणाच्या निसर्गरम्य सौंदर्याला गूढतेची किनार लाभलेल्या या कथेतून रहस्य, भावभावना आणि थरार यांचा अनोखा अनुभव प्रेक्षकांना मिळणार आहे.
Ans: हा चित्रपट ३० ऑक्टोबरला प्रदर्शित होणार आहे.
Ans: गणेश यादव, पंकज विष्णू, ओंकार राऊत, सुनील गोडबोले, शिवानी बने, सायली पाचपुते आणि गौरवी महांगडे यांच्या भूमिका आहेत
Ans: या चित्रपटाचे लेखन आणि दिग्दर्शन जीवन राजेंद्र चव्हाण यांनी केले आहे.
.png "Videos"){kind=small}
