Sambhajinagar News : मनाची धावपळ थांबवा, हृदयाची धडधड वाचवा! तज्ज्ञांनी सांगितला हृदय जपण्याचा कानमंत्र

Sambhajinagar News : छत्रपती संभाजीनगर येथे आयोजित ‘हृदयसंवाद’ परिषदेत तज्ज्ञांनी वाढत्या हृदयविकाराबाबत नागरिकांना मार्गदर्शन केले. ताणतणाव, अपुरी झोप, मधुमेह, स्थूलता, व्यसन आणि बदलती जीवनशैली यांचा हृदयाच्या आरोग्यावर परिणाम होऊ शकतो, याबाबत तज्ज्ञांनी माहिती दिली.

• तरुणांमधील वाढता हृदयविकार यावर मार्गदर्शन 
• हृदयासाठी ‘चार’ सवयी 
• कार्यक्रमाला विविध क्षेत्रांतील नागरिकांची उपस्थिती   

Sambhajinagar News : छत्रपती संभाजीनगर मध्ये हृदय केवळ शरीराचा अवयव नाही, तर आपल्या जगण्याचा साथीदार आहे. मात्र ताणतणाव, अपुरी झोप, नैराश्य, व्यसन, मधुमेह आणि बदलती जीवनशैली यामुळे त्याच्यावरचा ताण वाढत आहे. मन शांत तर हृदय सुरक्षित हा संदेश देत हृदयरोगतज्ज्ञांनी नागरिकांना हृदयाची काळजी घेण्याचा कानमंत्र दिला.रोपळेकर हेल्थ केअर प्रा. लि. तर्फे आयएमए सभागृहात हृदयसंवाद परिषद झाली. वरिष्ठ मधुमेह तज्ज्ञ व कमलनयन बजाज रुग्णालयाचे मेडिकल डायरेक्टर डॉ. अजय रोटे यांनी मधुमेह, स्थूलता आणि हृदयविकाराचा संबंध स्पष्ट करत नियमित चालणे, व्यायाम, पथ्य आणि धूम्रपान टाळण्याचे आवाहन केले.

World Heart Day : हृदयाच्या आरोग्याची काळजी घ्या! ‘हे’ छुपे धोके तुम्हाला माहिती आहेत का? तज्ज्ञांनी दिला महत्त्वाचा सल्ला

तरुणांमधील वाढता हृदयविकार यावर मार्गदर्शन

मधुमेहामुळे हृदयाला होणारी इजा अनेकदा लक्षात येत नसल्याचे त्यांनी सांगितले. हेडगेवार रुग्णालयाचे मेडिकल डायरेक्टर डॉ. महेश देशपांडे यांनी छातीत दुखण्याची लक्षणे व निदान, तर इंरव्हेंशनल कार्डिओलॉजिस्ट डॉ. केदार रोपळेकर यांनी तरुणांमधील वाढता हृदयविकार यावर मार्गदर्शन केले. घाटी रुग्णालयाच्या जेरियाट्रिक्स विभागाच्या प्रा. डॉ. मंगला बोरकर यांनी वृद्धांनी औषधांचे वेळापत्रक आणि आरोग्याची काळजी कशी घ्यावी, हे सांगितले. ज्येष्ठ हृदयरोगतज्ज्ञ डॉ. सतीश रोपळेकर यांनी हार्टअटॅक, अँजिओप्लास्टी व बायपासनंतरच्या पुनर्वसनावर माहिती दिली. क्लिनिकल कार्डिओलॉजिस्ट डॉ. कांचन रोपळेकर यांनी बदलत्या

हृदयासाठी ‘चार’ सवयी

वरिष्ठ मधुमेह तज्ज्ञ व कमलनयन बजाज रुग्णालयाचे मेडिकल डायरेक्टर डॉ. अजय रोटे यांनी मधुमेह, स्थूलता आणि हृदयविकाराचा संबंध स्पष्ट करत नियमित चालणे, व्यायाम, पथ्य आणि धूम्रपान टाळण्याचे आवाहन केले. डॉ. अजय रोटे म्हणाले की, नियमित व्यायाम करा,  संतुलित आहार घ्या, तणावावर नियंत्रण ठेवा आणि व्यसनांपासून दूर राहा -हृदय निरोगी ठेवण्यासाठी जीवनशैलीत या चार गोष्टींचा अंगीकार करणे आवश्यक आहे.

सध्या तरुणांमध्येही हृदयविकाराचे प्रमाण वाढत असल्याने छातीत दुखणे अथवा अस्वस्थता जाणवल्यास दुर्लक्ष न करता वेळेत तपासणी व उपचार घेणे गरजेचे आहे.

कार्यक्रमाला विविध क्षेत्रांतील नागरिकांची उपस्थिती

निवृत्त आर्मी कॅप्टन डॉ. प्रदीप इनामदार यांनी प्रतिसाद देणाऱ्या रोबोटच्या साहाय्याने सीपीआरचे प्रात्यक्षिक सादर केले. कार्यक्रमाला विविध क्षेत्रांतील नागरिकांची उपस्थिती होती.

LKGच्या चिमुकल्याला शिक्षकाने मारली थप्पड; हार्ट अटॅकने वर्गातच मृत्यू; Video Viral