बिहार निवडणुकीपूर्वी INDIA आघाडीला मोठा धक्का; देशातील मोठ्या पक्षाने सोडली साथ
बिहार विधानसभा निवडणुकीपूर्वी आम आदमी पक्ष (आप) इंडिया आघाडीतून बाहेर पडला आहे. अरविंद केजरीवाल यांनी स्वतंत्रपणे निवडणुका लढवण्याचा निर्णय घेतला आहे. दिल्ली निवडणुकीत अलिकडेच झालेल्या पराभवानंतर हे पाऊल उचलण्यात आलं आहे. आम आदमी पक्ष आता पंजाब आणि इतर राज्यांमध्ये आपलं अस्तित्व मजबूत करण्यावर लक्ष केंद्रित करत आहे.
अरविंद केजरीवाल आणि मनीष सिसोदिया यांच्यासह आम आदमी पक्षाचे प्रमुख नेते २०२५ च्या विधानसभा निवडणुकीच्या प्रचारासाठी रणनीती आखत आहेत. आम आदमी पक्षाचे राष्ट्रीय मीडिया संयोजक अनुराग धांडा म्हणाले, “आप कोणत्याही युतीत नाही. आमची स्वतःची ताकद आहे. आम्ही त्यावर पुढे जात आहोत.”
इंडिया आघाडीसोबतच्या युतीबाबत ते म्हणाले, “ते लोकसभा निवडणुकीसाठी होते. आता आम्ही कोणत्याही युतीचा भाग नाही.” सध्या, आम आदमी पक्ष विधानसभा निवडणुकीसाठी विविध राज्यांमध्ये आपले संघटन मजबूत करण्यावर काम करत असल्याचं त्यांनी सांगितलं. दरम्यान पक्षाने राज्यांचे दोन गटांमध्ये वर्गीकरण केले आहे, अशी माहिती सूत्रांनी दिली आहे.
अ श्रेणीत ज्या राज्यांमध्ये विरोधी पक्षांशी कडवी लढत आहे, अशा राज्यांचा समावेश करण्यात आला आहे. या राज्यामध्ये अरविंद केजरीवाल सक्रियपणे सहभागी होतील. यात गुजरात, हिमाचल प्रदेश, आसाम, उत्तराखंड, पंजाब, दिल्ली आणि गोवा राज्याचा समावेळ आहेत. तर ब श्रेणीत स्थानिक नेतृत्व निवडणूक रणनीतींचे मार्गदर्शन करणार आहे.
आपचे बिहार प्रभारी अजेश यादव म्हणाले की, पक्ष बिहारमध्ये बूथ पातळीवर आपले संघटन बांधण्यावर लक्ष केंद्रित करत आहे. ते लोकांशी संपर्क साधण्यासाठी सात टप्प्यांचा प्रवास करत आहेत, सीमांचलमधून तिसऱ्या टप्प्यात पोहोचले आहेत. बिहारमधील सर्व २४३ जागा स्वतंत्रपणे लढवण्याची आपची योजना आहे. पक्षाने पुढील दोन वर्षांसाठी आपले कार्यक्रम आखले आहेत.
पुढील वर्षी आसाममध्ये होणाऱ्या विधानसभा निवडणुकांसाठी केजरीवाल जोरदार प्रचार करतील. याशिवाय २०२७ पर्यंत उत्तराखंड, पंजाब, हिमाचल प्रदेश, गोवा आणि गुजरातमध्ये निवडणुका लढवण्याचे आपचे उद्दिष्ट आहे. दिल्लीच्या २०२५ च्या विधानसभा निवडणुकीत आपने सर्व ७० जागा लढवल्या पण त्यांना फक्त २२ जागा मिळाल्या तर भारतीय जनता पक्षाला ४८ जागा मिळाल्या.
Parbhani Political News: बड्या नेत्याचा पुन्हा युटर्न; शरद पवारांची साथ सोडून अजित पवारांकडे जाणार
हे लक्षात घेण्यासारखे आहे की काँग्रेस सलग तीन वर्षांपासून दिल्लीत निवडणूक लढवत आहे, परंतु एकही जागा जिंकण्यात त्यांना यश आलेले नाही. अजेश यादव यांनी स्पष्ट केले की आप बिहारमधील सर्व जागा एकट्याने लढवेल. त्यांनी त्यांच्या भेटीद्वारे तळागाळातील संघटना बांधणीवर लक्ष केंद्रित करण्यावर भर दिला. भविष्यातील निवडणूक लढाईची तयारी करताना ‘आप’ संपूर्ण भारतात आपली स्वतंत्र राजकीय ओळख मजबूत करू इच्छिते.
.png "Videos"){kind=small}
