महिला आरक्षण विधेयकावरून दिल्लीत रणकंदन! राहुल गांधींच्या निवासस्थानाबाहेर भाजपचा एल्गार; ‘विश्वासघाता’चा आरोप करत जोरदार निदर्शने

महिला आरक्षण विधेयक मंजूर न झाल्याने भाजपने राहुल गांधींच्या घराबाहेर निदर्शने केली. काँग्रेसने महिलांचा विश्वासघात केल्याचा आरोप दिल्लीच्या मुख्यमंत्री रेखा गुप्ता आणि खासदार बांसुरी स्वराज यांनी केला आहे.

• महिला आरक्षण विधेयकावरून दिल्लीत रणकंदन!
• राहुल गांधींच्या निवासस्थानाबाहेर भाजपचा एल्गार
• ‘विश्वासघाता’चा आरोप करत जोरदार निदर्शने

BJP Protest Rahul Gandhi House: लोकसभेत महिला आरक्षण बिल (नारी शक्ती वंदन अधिनियम) मंजूर होऊ शकल्याने देशातील राजकीय वातावरण कमालीचे तापले आहे. या विधेयकाला विरोध केल्याचा आरोप करत आज (शनिवारी) दिल्लीत काँग्रेस नेते राहुल गांधी (Rahul Gandhi) यांच्या निवासस्थानाबाहेर भारतीय जनता पक्षाच्या (भाजप) वतीने विशाल जनआंदोलन करण्यात आले. दिल्लीच्या मुख्यमंत्री रेखा गुप्ता आणि प्रदेशाध्यक्ष वीरेंद्र सचदेवा यांच्या नेतृत्वाखाली झालेल्या या आंदोलनात शेकडो महिला कार्यकर्त्यांनी सहभागी होत काँग्रेसच्या ‘महिलाविरोधी’ धोरणांचा निषेध केला.

“विपक्ष नेत्यांनी महिलांच्या पाठीत खंजीर खुपसला” – बांसुरी स्वराज

भाजप खासदार बांसुरी स्वराज यांनी यावेळी विरोधकांवर अत्यंत बोचरी टीका केली. “काल संपूर्ण विरोधी पक्षाने आणि विशेषतः विरोधी पक्षनेते राहुल गांधी यांनी या देशातील माता-भगिनींशी दगाबाजी केली आहे. महिलांची भूमिका केवळ मतदान केंद्रापर्यंतच मर्यादित राहावी, अशी त्यांची मानसिकता आहे. जेव्हा राजकीय प्रतिनिधित्वाची वेळ आली, तेव्हा त्यांनी आपल्या स्वार्थाला प्राधान्य देत महिलांच्या पाठीत खंजीर खुपसला,” असा घणाघात त्यांनी केला.

See more

Delhi: BJP leaders burned down the effigy of Lok Sabha LoP Rahul Gandhi due to the Constitution (131st Amendment) Bill not passed in the Lok Sabha pic.twitter.com/7EhICyoUxe — IANS (@ians_india) April 18, 2026

हेमा मालिनी यांनी व्यक्त केली तीव्र निराशा

प्रसिद्ध अभिनेत्री आणि खासदार हेमा मालिनी यांनीही या आंदोलनात सहभाग नोंदवला. “सरकारच्या सर्व प्रयत्नांनंतरही विरोधकांनी हे महत्त्वाचे विधेयक मंजूर होऊ दिले नाही. यामुळे देशातील महिलांमध्ये नैराश्याची भावना आहे. आज संपूर्ण भारतातून महिला या अन्यायाविरोधात रस्त्यावर उतरत आहेत. महिलांच्या अधिकारांवर गदा आणणाऱ्यांना जनता कधीही माफ करणार नाही,” असे त्या म्हणाल्या.

आज रात्री मोठा निर्णय होणार? PM Narendra Modi येणार लाईव्ह; भाषणाकडे अवघ्या देशवासियांचे लक्ष

“विपक्ष नेत्यांनी महिलांना दिलेलं हे आव्हान” – मनोज तिवारी

खासदार मनोज तिवारी यांनी लोकसभेतील त्या क्षणांचे वर्णन करताना भावूक प्रतिक्रिया दिली. ते म्हणाले, “काल जेव्हा लोकसभेत विधेयक फेटाळले गेले, तेव्हा पंतप्रधान नरेंद्र मोदी यांच्या चेहऱ्यावरचे दुःख स्पष्ट दिसत होते. काँग्रेस, आप, टीएमसी आणि सपा यांसारख्या पक्षांनी देशातील स्त्रीशक्तीला उघड आव्हान दिले आहे. या आव्हानाचे उत्तर देशातील महिला मतदानाच्या माध्यमातून निश्चितच देतील.”

लोकसभेत नेमकं काय घडलं?

येथे हे नमूद करणे महत्त्वाचे आहे की, गेल्या शुक्रवारी सरकारने लोकसभेत ‘महिला आरक्षण विधेयका’शी संबंधित ‘१३१ वे सुधारणा विधेयक’ सादर केले होते; तथापि, हे विधेयक मंजूर होण्यासाठी आवश्यक असलेला दोन-तृतीयांश बहुमताचा आकडा गाठण्यात सरकारला अपयश आले. या विधेयकाच्या विरोधात २३० मते पडली आणि आवश्यक असलेल्या ३५२ मतांपर्यंत पोहोचण्यात ते अपयशी ठरले. या निकालाचा निषेध म्हणून, भाजपच्या महिला खासदारांनी काल संध्याकाळी संसद परिसरात निदर्शनेही केली होती.

“काँग्रेसचा महिलाविरोधी चेहरा उघड!”; शिवसैनिक आक्रमक; राहुल गांधी आणि अखिलेश यादवांच्या फोटोंना ‘जोडे मारो’ आंदोलन