Court News : काँग्रेसच्या दोन आमदारांना न्यायालयाचा दणका; दोघांनाही सुनावली १ वर्षाची शिक्षा

जयपूर जिल्हा न्यायालयाने ११ वर्षे जुन्या एका प्रकरणात काँग्रेसच्या दोन आमदारांसह नऊ जणांना प्रत्येकी एक वर्षाची शिक्षा सुनावली आहे. सर्व आरोपींना रस्ता रोखणे आणि बेकायदेशीर सभा घेतल्याबद्दल दोषी ठरवलं आहे.

दलापूर माजी नगरसेवक हत्या प्रकरणात कोर्टाचा दणका; राऊतसह ४ जणांना जन्मठेप

Follow Us:

Follow Us:

जयपूर जिल्हा न्यायालयाने ११ वर्षे जुन्या एका प्रकरणात काँग्रेसच्या दोन आमदारांसह नऊ जणांना प्रत्येकी एक वर्षाची शिक्षा सुनावली आहे. १३ ऑगस्ट २०१४ मध्ये राजस्थान विद्यापीठाच्या मुख्य प्रवेशद्वाराबाहेर जेएलएन मार्ग सुमारे २० मिनिटे रोखण्यात आला होता. जयपूर मेट्रोपॉलिटन फर्स्टच्या एसीजेएम-१९ न्यायालयाने सर्व आरोपींना रस्ता रोखणे आणि बेकायदेशीर सभा घेतल्याबद्दल दोषी ठरवलं आहे.

Caste Census : केंद्र सरकारने माघार घेतली का? काँग्रेसची जातीय जनगणेवरून टीका

न्यायालयाने लाडनूनचे आमदार मुकेश भाकर, शाहपुराचे आमदार मनीष यादव आणि झोटवाडा विधानसभेचे काँग्रेस उमेदवार अभिषेक चौधरी तसेच राजेश मीना, रवी किराड, वसीम खान, द्रोण यादव, भानुप्रताप सिंह आणि विद्याधर मील यांनाही दोषी ठरवण्यात आलं आहे. अभियोजन अधिकारी कविता पिंगोलिया म्हणाल्या की, पोलिसांनी ११ ऑगस्ट २०१६ रोजी या प्रकरणात चालान सादर केलं होतं. दीर्घ खटल्यानंतर न्यायालयाने सर्व नऊ आरोपींना शिक्षा सुनावली.

संपूर्ण प्रकरण काय आहे?

घटनेनुसार, १३ ऑगस्ट २०१४ रोजी राजस्थान विद्यापीठाच्या मुख्य प्रवेशद्वाराबाहेर निदर्शनादरम्यान जेएलएन मार्ग रोखण्यात आला होता. या जाममुळे सामान्य लोकांना खूप त्रास सहन करावा लागला. पोलिसांनी या प्रकरणात कारवाई केली आणि सर्व आरोपींविरुद्ध गुन्हा दाखल केला. न्यायालयात खटल्यादरम्यान, पुरावे आणि साक्षीदारांच्या आधारे सरकारी वकिलांनी आरोपींचा सहभाग सिद्ध केला होता.

PM Modi : PM मोदींना सायप्रसचा सर्वोच्च नागरी सन्मान, ‘ग्रँड क्रॉस ऑफ द ऑर्डर ऑफ मकारिओस III’ ने सन्मानित

आरोपींची जामिनावर सुटका

शिक्षा सुनावल्यानंतर, न्यायालयाने सर्व आरोपींची जामिनावर सुटका केली आहे. आरोपींना न्यायालयाच्या या निर्णयाविरुद्ध अपील दाखल करण्यासाठी एक महिन्याचा वेळ देण्यात आला आहे. आरोपी राजस्थान उच्च न्यायालयात शिक्षा रद्द करण्यासाठी याचिका दाखल करू शकतात. काँग्रेस पक्षाने अद्याप या प्रकरणावर कोणतेही अधिकृत विधान जारी केलेले नाही, परंतु असे मानले जाते की पक्षाचे नेते या निर्णयाच्या कायदेशीर पैलूंचा आढावा घेत आहेत.

Web Title: Court sentence one year to congress mla mukesh bhakar and manish yadav latest marathi news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com