ED on Vinesh Chandel : बंगालच्या निवडणुकीपूर्वी ED चा दणका; I-PAC सह-संस्थापक विनेश चंदेल यांना अटक

ED arrest I-PAC Vinesh Chandel : अवैध खाणकाम प्रकरणातून ईडीने आय-पॅक'चे सह-संस्थापक आणि संचालक विनेश चंदेल यांना अटक केली आहे. हा ममता बॅनर्जी यांना मोठा धक्का मानला जात आहे.

• I-PAC सह-संस्थापक विनेश चंदेल यांना अटक
• ईडीची I-PAC वर कारवाई
• ममता बॅनर्जी यांना मोठा धक्का

ED arrest I-PAC Vinesh Chandel : पश्चिम बंगालमध्ये विधानसभा निवडणुकीची रणधुमाळी सुरु आहे. जोरदार प्रचार केला जात असून तृणमूल काँग्रेस आणि भाजपमध्ये राजकीय वाद निर्माण झाला आहे. दरम्यान, सक्तवसुली संचालनालय अर्थात ईडीने (ED Action) ममता बॅनर्जी यांना मोठा धक्का बसला आहे. प्रसिद्ध निवडणूक रणनीती संघटना ‘आय-पॅक’चे सह-संस्थापक आणि संचालक विनेश चंदेल यांना अटक झाल्याची बातमी समोर येताच राजकीय वर्तुळात (Political News) खळबळ उडाली. ही कारवाई बंगालमधील कुप्रसिद्ध कोळसा घोटाळ्याशी संबंधित आहे, ज्यामुळे गेल्या काही काळापासून राज्यातील राजकारण तापले आहे.

विनेश चंदेल यांना ईडीने दिल्लीत मनी लाँडरिंग प्रतिबंधक कायद्यांतर्गत अटक केली. आसनसोलजवळील ईस्टर्न कोलफिल्ड्स लिमिटेडच्या खाणींमधून कोट्यवधी रुपयांच्या कोळशाची चोरी झाल्याचा आरोप करत, नोव्हेंबर २०२० मध्ये सीबीआयने दाखल केलेल्या एफआयआरमधून हे प्रकरण उद्भवले आहे. यापूर्वी त्यांच्या ऑफिसवर झालेल्या छापेमारीवरुन वाद निर्माण झाला होता. ममता बॅनर्जी यांनी थेट ईडीच्या विरोधात केस दाखल केली होती. यानंतर आता पुन्हा ईडीने या प्रकरणावरुन विनेश चंडेल यांच्यावर कारवाईचा बडगा उगारला आहे.

हे देखील वाचा : कर्मचाऱ्यांच्या हिंसक आंदोलनांनंतर आली सरकारला जाग! नोएडामध्ये किमान वेतनात २१% वाढ जाहीर

तपास यंत्रणांचे काय आहे म्हणणे? 

अवैध खाणकामातून मिळालेल्या पैशांचा मोठा हिस्सा हवालामार्फत मनी लाँड्रिंग करण्यात आला, असा तपास यंत्रणांचा दावा आहे. चंडेलच्या दिल्लीतील निवासस्थानांवर छापे टाकल्यानंतर त्यांना अटक करण्यात आली, यावरून हे स्पष्ट होते की तपास आता पडद्यामागे राहून सत्तेचा वापर करणाऱ्या रणनीतिकारांपर्यंत पोहोचला आहे.

हवालामार्फत कोट्यवधी रुपयांचा दावा

तपास यंत्रणेने उघड केलेली तथ्ये अत्यंत धक्कादायक आहेत. ईडीचा दावा आहे की, या कोळसा तस्करी सिंडिकेटशी संबंधित एका हवाला ऑपरेटरने ‘आय-पॅक’ (I-PAC) नावाने नोंदणीकृत असलेल्या कंपनीकडे कोट्यवधी रुपये वळवले. तपासात मुंबईस्थित ‘अंगडिया’ फर्ममार्फत सुमारे २० कोटी रुपयांचे व्यवहार झाल्याचे उघड झाले आहे. विशेष म्हणजे, ही तीच फर्म आहे जी दिल्लीतील दारू घोटाळ्यातही तपास यंत्रणांच्या रडारवर होती. केवळ विनेशच नाही, तर ‘आय-पॅक’चे दुसरे संचालक ऋषी राज सिंग आणि आम आदमी पक्षाचे माजी संपर्क प्रभारी विजय नायर यांच्या निवासस्थानांचीही या महिन्यात झडती घेण्यात आली.

हे देखील वाचा : Monsoon 2026 Prediction: यंदा पाऊस कमी पडणार? हवामान विभागाचा पहिला अंदाज जाहीर; ‘एल निनो’मुळे चिंतेचे ढग

बंगाल सरकार आणि ईडी यांच्यातील संघर्ष सर्वोच्च न्यायालयात 

जानेवारी महिन्यात मुख्यमंत्री ममता बॅनर्जी स्वतः कोलकाता येथील एका छाप्याच्या घटनास्थळी पोहोचल्या तेव्हा या प्रकरणाला मोठे वळण लागले. हे प्रकरण सर्वोच्च न्यायालयात पोहोचले, जिथे न्यायालयाने केंद्रीय यंत्रणांच्या कामात सरकारी यंत्रणांचा हस्तक्षेप “अत्यंत गंभीर” मानला.