INDIA Bloc protest (1)
मागील 3 दिवसांपासून विरोधी पक्षनेते राहुल गांधी यांच्यासह इंडिया आघाडीच्या नेत्यांनी राजधानीत जोरदार आंदोलन केले. मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी 6, 7 आणि 8 ऑकटोबर रोजी दिल्लीत आंदोलन पार पडले. ज्ञानेश कुमार यांचा राजीनामा घेतल्याशिवाय मागे हटणार नाही, अशी भूमिका यावेळी विरोधी पक्षाकडून घेण्यात आली. अश्यातच आता या मागणीसाठी इंडिया आघाडीचे नेते राष्ट्रपती द्रौपदी मुर्मू यांची भेट घेणार आहेत.
मतदार याद्यांच्या SIR प्रक्रियेत कथित अनियमितता झाल्याचा आरोप विरोधकांकडून करण्यात येत आहे. या मुद्द्यावरून निवडणूक आयोगाच्या भूमिकेवरही प्रश्न उपस्थित केले जात आहेत. ज्ञानेश कुमार यांचा राजीनामा घेतल्याशिवाय माघार घेणार नाही, अशी भूमिका आंदोलनादरम्यान विरोधकांनी घेतली.
आंदोलनानंतर आता इंडिया आघाडीने राष्ट्रपती द्रौपदी मुर्मू यांची भेट घेण्याचा निर्णय घेतला आहे. सूत्रांनी दिलेल्या माहितीनुसार, राष्ट्रपतींच्या कार्यालयाने शुक्रवारी सकाळी या भेटीसाठी रात्री ८ वाजताची वेळ निश्चित केली.
या शिष्टमंडळात काँग्रेसचे अध्यक्ष मल्लिकार्जुन खर्गे, लोकसभेतील विरोधी पक्षनेते राहुल गांधी आणि तृणमूल काँग्रेसच्या अध्यक्षा ममता बॅनर्जी यांच्यासह एकूण दहा सदस्यांचा समावेश असणार आहे.
या भेटीदरम्यान मतदार यादी पुनरीक्षणाच्या प्रक्रियेतील कथित अनियमिततेचा मुद्दा आणि मुख्य निवडणूक आयुक्तांच्या राजीनाम्याची मागणी राष्ट्रपतींसमोर मांडली जाण्याची अपेक्षा आहे.
इंडिया आघाडीच्या खासदारांचा आजचा कार्यक्रमही निश्चित झाला आहे. मिळालेल्या माहितीनुसार, सर्व खासदार शुक्रवारी सायंकाळी ५ वाजता संसदेच्या सेंट्रल हॉलमध्ये एकत्र जमणार आहेत. त्यानंतर रात्री ८ वाजता राष्ट्रपती द्रौपदी मुर्मू यांची भेट घेणार आहेत.
गेल्या तीन दिवसांपासून सुरू असलेल्या आंदोलनानंतर विरोधकांनी आता राष्ट्रपतींच्या भेटीच्या माध्यमातून आपली मागणी पुढे नेण्याची तयारी केली आहे. त्यामुळे या भेटीत इंडिया आघाडीचे नेते नेमकी कोणती भूमिका मांडतात आणि त्यानंतर काय घडामोडी होतात, याकडे राजकीय वर्तुळाचं लक्ष लागलं आहे.
दरम्यान, ज्ञानेश कुमार यांच्या राजीनाम्याची मागणी आणि एसआयआर प्रक्रियेवरील आक्षेप यामुळे सत्ताधारी आणि विरोधकांमधील संघर्ष आणखी तीव्र होण्याची शक्यता आहे. तसेच उद्या (10 ऑकटोबर) जंतर मंतर येथे होणाऱ्या CJP च्या आंदोलनावरूनदेखील राजधानीतील वातावरण आणखी गरम होण्याची शक्यता आहे.
Ans: मतदार याद्यांच्या विशेष सखोल पुनरीक्षण प्रक्रियेतील कथित अनियमिततेचा मुद्दा उपस्थित करण्यासाठी आणि मुख्य निवडणूक आयुक्त ज्ञानेश कुमार यांच्या राजीनाम्याची मागणी करण्यासाठी इंडिया आघाडीचे नेते राष्ट्रपतींची भेट घेणार आहेत.
Ans: काँग्रेस अध्यक्ष मल्लिकार्जुन खर्गे, लोकसभेतील विरोधी पक्षनेते राहुल गांधी आणि तृणमूल काँग्रेसच्या अध्यक्षा ममता बॅनर्जी यांच्यासह एकूण दहा सदस्यांच्या शिष्टमंडळाचा या भेटीत समावेश असेल.
Ans: मतदार याद्यांच्या विशेष सखोल पुनरीक्षण (SIR) प्रक्रियेत कथित अनियमितता झाल्याचा आरोप विरोधकांनी केला आहे. या मुद्द्यावरून मुख्य निवडणूक आयुक्त ज्ञानेश कुमार यांच्या राजीनाम्याची मागणी करत इंडिया आघाडीने दिल्लीत आंदोलन केले आहे.
.png "Videos"){kind=small}
