ITBP: महिला गिर्यारोहकांचा भीम पराक्रम; ITBP च्या टीमने कारगिलमधील माउंट नुनवर फडकवला तिरंगा

भारत-तिब्बत सीमा पोलिसांनी (ITBP) कारगिलमधील माउंट नुन शिखर सर करून इतिहास रचला आहे. पहिल्यांदाच महिला गिर्यारोहकांच्या टीमने हे शिखर यशस्वीरित्या सर केले.

महिला गिर्यारोहकांचा भीम पराक्रम (Photo Credit- X)

Follow Us:

Follow Us:

• महिला गिर्यारोहकांचा भीम पराक्रम
• ITBP च्या टीमने कारगिलमधील माउंट नुनवर फडकवला तिरंगा
• महिला गिर्यारोहकांचा अथक प्रवास

भारत-तिब्बत सीमा पोलिसांनी (ITBP) गिर्यारोहण क्षेत्रात एक ऐतिहासिक कामगिरी केली आहे. या दलाच्या सर्व-महिला गिर्यारोहण टीमने कारगिलमधील नुन-कुन पर्वतरांगेतील माउंट नुन (Mount Nun) (७,१३५ मीटर) हे शिखर यशस्वीरित्या सर केले आहे. उच्च हिमालयीन मोहिमांमध्ये आयटीबीपीच्या (ITBP) उत्कृष्ट परंपरेत ही एक गौरवशाली भर आहे. या मोहिमेला ३ जुलै २०२५ रोजी आयटीबीपीचे महासंचालक राहुल रसगोत्रा यांनी नवी दिल्लीतून हिरवा झेंडा दाखवला होता.

महिला गिर्यारोहकांचा अथक प्रवास

आयटीबीपीने (ITBP) जारी केलेल्या माहितीनुसार, या टीमने लेह, लडाख येथे जवळपास एक महिना कठोर प्रशिक्षण घेतले, ज्यात अनुकूलन (Acclimatization) आणि तांत्रिक तयारीचा समावेश होता. १३ ऑगस्ट २०२५ रोजी, पहाटे ९:२५ वाजता, पहिल्या टीममधील (७ गिर्यारोहक आणि ३ तांत्रिक सदस्य) महिलांनी रात्री शिखर कॅम्पमधून चढाईला सुरुवात केली आणि माउंट नुनच्या शिखरावर यशस्वीपणे पोहोचल्या. दुसऱ्या टीमने (७ गिर्यारोहक आणि २ तांत्रिक सदस्य) १४ ऑगस्ट २०२५ रोजी सकाळी ८:५० वाजता शिखर गाठून ही ऐतिहासिक कामगिरी पूर्ण केली.

Making history at 7,135 m! 🏔️

The #ITBP All-Women #Mountaineering Expedition scaled Mt. Nun, Kargil—the Force’s first-ever all-women ascent of the peak. This landmark achievement showcases endurance, skill & empowerment in extreme high-altitude ops.#WomenPower pic.twitter.com/IrnVGi9oQK

— ITBP (@ITBP_official) August 14, 2025

भाई पुरी चेंकिग होगी! गिर्यारोहण करताना माकडाने तरुणाची बॅग उघडली अन् केलं असं काही… लोक म्हणाले, “ही तर हाय अलर्ट सिक्योरिटी”

माउंट नुनची आव्हाने

जम्मू-काश्मीरमधील सर्वात उंच शिखर असलेल्या माउंट नुनची चढाई अत्यंत कठीण मानली जाते. हा पर्वत त्याच्या तीव्र मिश्रित बर्फाळ भूभाग, धारदार कड्या, भेगा असलेल्या हिमनद्या, उभ्या बर्फाच्या भिंती आणि अचानक बदलणाऱ्या हवामानासाठी ओळखला जातो. ८,००० मीटर उंचीच्या मोहिमांसाठी हे एक प्रशिक्षण शिखर मानले जाते, ज्यासाठी असामान्य धैर्य, तांत्रिक कौशल्य आणि धोरणात्मक नियोजनाची आवश्यकता असते. आयटीबीपीच्या महिलांनी ही सर्व आव्हाने यशस्वीपणे पार पाडली.

आयटीबीपीचा गिर्यारोहण विक्रम

या ऐतिहासिक सर्व-महिला मोहिमेच्या यशाने आयटीबीपीने (ITBP) आपले गिर्यारोहण गौरव आणखी मजबूत केले आहे. या दलाने आतापर्यंत जगातील १४ पैकी ६ आठ हजार मीटरहून अधिक उंचीची शिखरे यशस्वीरित्या सर केली आहेत. यात माउंट एव्हरेस्ट आणि कांचनजंघाचा समावेश आहे. आयटीबीपीने पाच वेळा माउंट एव्हरेस्टवर यशस्वी चढाई केली आहे. माउंट नुनवरील ही साहसी मोहीम दलाची उत्कृष्टता, महिला सक्षमीकरण, नेतृत्व आणि उच्च हिमालयीन मोहिमांमधील त्यांची क्षमता दर्शवते.

Web Title: Itbps women mountaineers made history unfurled tricolour on mount nun in kargil

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com