नवी दिल्ली : भारतीय सनदी लेखापाल संस्थेने नोव्हेंबर 2023 मध्ये घेतलेल्या सीए इंटरमिजिएट व फायनल परीक्षांचा निकाल मंगळवारी लागला. सीएच्या अंतिम परीक्षेत देशातून मधुर जैन याने पहिला, तर मुंबईची संस्कृती पारोलिया हिने देशात दुसरा क्रमांक पटकावला आहे.
इंटरमिजिएट आणि फायनल परीक्षांच्या निकालात जय देवांग जिमुलिया याला प्रथम क्रमांक मिळाला आहे. जैन याने अंतिम परीक्षेत 800 पैकी 619 एवढे गुण घेऊन 77.38 एवढी टक्केवारी मिळवली आहे. त्याच्या कुटुंबातील अनेक जण पेशाने सीए आहेत. तसेच संस्कृतीला 74.88 टक्के गुण मिळाले आहेत. अंतिम परीक्षेत पहिला आलेल्या मधुरला इंटरमिजिएट परीक्षेत 13 वा क्रमांक मिळाला आहे तर फाऊंडेशनच्या परीक्षेत 15 वा क्रमांक मिळाला आहे.
मधुर हा जयपूरचा रहिवासी आहे. जयला इंटरमिजिएटच्या परीक्षेत 800 पैकी 691 इतके गुण मिळाले आहेत. त्याला एकूण 86.38 टक्के इतके गुण मिळाले आहेत.
