India-Pakistan Conflict: भारतात बसून गुप्तहेरी….; पाकिस्तानी उच्चायुक्तालयातील अधिकाऱ्याला देश सोडण्याचे आदेश

केंद्र सरकारने अलीकडेच दिल्लीतील पाकिस्तान उच्चायोगातील एका अधिकाऱ्याला ‘पर्सोना नॉन ग्राटा’ घोषित करत २४ तासांत देश सोडण्याचे आदेश दिले.

भारतात बसून गुप्तहेरी, पाकिस्तानी उच्चायुक्तालयातील अधिकाऱ्याला देश सोडण्याचे आदेश

Follow Us:

Follow Us:

भारत आणि पाकिस्तानमधील सततच्या तणावाच्या पार्श्वभूमीवर, महत्त्वाची अपडेट समोर आली आहे. केंद्र सरकारने दिल्लीतील पाकिस्तान उच्चायुक्तालयात तैनात असलेल्या एका अधिकाऱ्यावर गुप्तहेरीच्या कारवायांमध्ये सहभागी असल्याचा आरोप केला आहे. अशा परिस्थितीत, भारत सरकारने त्या अधिकाऱ्याला २४ तासांच्या आत भारत सोडण्याचे आदेश दिले आहेत. भारत सरकारने या अधिकाऱ्याला अवांछित व्यक्ती (Persona Non Grata) म्हणून घोषित केले आहे. या प्रकरणी, पाकिस्तान उच्चायुक्तालयाच्या चार्ज डी अफेयर्सना एक डिमार्च जारी करण्यात आला. या संदर्भात पाकिस्तान उच्चायुक्तालयाच्या चार्ज डी अफेयर्सकडे औपचारिक आक्षेप नोंदवण्यात आला.

परराष्ट्र मंत्रालयाकडून जारी करण्यात आलेल्या माहितीनुसार, दिल्लीत बसलेला हा व्यक्ती भारताविरुद्ध कट रचत होता. तसेच, पाकिस्तानी गुप्तचर संस्था आयएसआयचा कर्मचारी असण्याची शक्यता व्यक्त करण्यात आली आहे.   परराष्ट्र मंत्रालयाच्या म्हणण्यानुसार, हा कर्मचारी भारतातील त्याच्या राजनैतिक नियमांच्या विरुद्ध असलेल्या कारवायांमध्ये सहभागी होता. हा अधिकारी भारतातील त्याच्या राजनैतिक पदाच्या प्रतिष्ठेनुसार वागत नव्हता, म्हणून त्याला २४ तासांच्या आत देश सोडण्यास सांगण्यात आले आहे.

Virat Kohli  : ‘रोहित-विराट २०२७ चा वर्ल्डकप खेळण्याची शक्यता कमी..’, माजी दिग्गज क्रिकेटपटूचे विधान चर्चेत..

परराष्ट्र मंत्रालयाने आपल्या निवेदनात काय म्हटले आहे?

परराष्ट्र मंत्रालयाने याबाबत दिलेल्या अधिकृत माहितीनुसार, संबंधित अधिकारी पाकिस्तानची गुप्तचर संस्था ISI साठी कार्यरत होता आणि भारतातील राजनयिक मर्यादा ओलांडून साजिशी कारवायांमध्ये सामील होता. त्याच्याविरोधात पाकिस्तान उच्चायोगाच्या प्रभारी अधिकाऱ्याला विरोध पत्र (Demarche) देण्यात आले असून, औपचारिक निषेध नोंदवण्यात आला आहे.

गुप्त माहिती लीक करणाऱ्यांची चौकशी

ही कारवाई पंजाब पोलिसांच्या महत्त्वपूर्ण तपासानंतर घडली आहे. पंजाबमध्ये दोन संशयितांना अटक करण्यात आली असून, त्यांच्यावर पाकिस्तानी अधिकाऱ्यांसाठी गुप्त माहिती पुरवल्याचा आरोप आहे. चौकशीदरम्यान या संशयितांनी दिलेल्या माहितीवरून, दिल्लीतील पाकिस्तानी अधिकाऱ्याच्या कारवायांबाबत ठोस पुरावे मिळाले. हे आरोपी भारतीय लष्कराशी संबंधित संवेदनशील माहिती पाकिस्तानात पाठवत होते, यासाठी त्यांना ऑनलाईन आर्थिक मोबदला दिला जात होता. त्यांच्याकडून दोन मोबाईल फोनही जप्त करण्यात आले आहेत.

‘ऑपरेशन सिंदूर’मधून पाकिस्तानातील दहशतवाद्यांवर प्रहार

२२ एप्रिल रोजी पहलगाममध्ये झालेल्या भीषण हल्ल्यात २६ निष्पाप नागरिकांचा बळी गेला होता, त्यात बहुतांश पर्यटक होते. या घटनेनंतर भारताने पाकिस्तानातील दहशतवादी तळांवर लक्ष केंद्रित करत ‘ऑपरेशन सिंदूर’ हाती घेतले. संरक्षण मंत्री राजनाथ सिंह यांनी सांगितले की, या मोहिमेत पाकिस्तानातील १०० पेक्षा अधिक दहशतवाद्यांचा खात्मा करण्यात आला आहे. केंद्र सरकारने केलेल्या कठोर कारवाईमुळे दोन्ही देशांतील तणाव वाढला आहे. मात्र, भारताच्या दृष्टीने ही कारवाई देशाच्या सुरक्षा आणि सार्वभौमत्वाच्या रक्षणासाठी अत्यावश्यक असल्याचे म्हटले जात आहे.

भारतीय मार्केटमध्ये लवकरच ‘या’ एकापेक्षा एक Compact SUVs घालणार धुमाकूळ

Persona Non Grata पर्सोना नॉन ग्रॅटा म्हणजे काय?

केंद्र सरकारने अलीकडेच दिल्लीतील पाकिस्तान उच्चायोगातील एका अधिकाऱ्याला ‘पर्सोना नॉन ग्राटा’ घोषित करत २४ तासांत देश सोडण्याचे आदेश दिले. यामुळे ‘पर्सोना नॉन ग्राटा’ या संज्ञेबाबत उत्सुकता निर्माण झाली आहे. ‘पर्सोना नॉन ग्राटा’ हा लॅटिन शब्द आहे, ज्याचा अर्थ ‘अवांछित व्यक्ती’ असा होतो. ही संज्ञा विशेषतः राजनयिक संबंधांमध्ये वापरली जाते. कोणत्याही देशाला दुसऱ्या देशातून आलेल्या राजनयिक अधिकाऱ्याला आपल्या देशात न स्वीकारण्याचा अधिकार असतो. जर संबंधित अधिकारी आपल्या अधिकृत कर्तव्यातून बाहेर पडून अवैध, हेरगिरीसारख्या, किंवा त्या देशाच्या सुरक्षेविरोधातील कारवायांमध्ये गुंतला असेल, तर तो ‘पर्सोना नॉन ग्राटा’ घोषित केला जातो.

अशा कारवाईनंतर संबंधित अधिकाऱ्याला तातडीने त्या देशातून बाहेर पडावे लागते. ही कारवाई आंतरराष्ट्रीय नियमांनुसार वैध मानली जाते आणि ती कोणत्याही क्षमतेत, स्पष्टीकरण न देता, सरकार करू शकते. भारत सरकारने अलीकडील कारवाईत हीच तरतूद वापरून संबंधित पाकिस्तानी अधिकाऱ्याला देश सोडण्यास सांगितले आहे. ही कारवाई देशाच्या सुरक्षा हितासाठी अत्यावश्यक असल्याचे स्पष्ट करण्यात आले आहे.

Web Title: Pakistani high commission official ordered to leave country for espionage in india

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com