"16, 17, 18 एप्रिल… भारत एक मोठा निर्णय घेणार", पंतप्रधान मोदींची मोठी घोषणा
PM Narendra Modi News In Marathi : महिला आरक्षण विधेयक मंजूर करण्यासाठी १६ एप्रिलपासून सुरू होणाऱ्या संसदेच्या तीन दिवसीय विशेष अधिवेशनाच्या पार्श्वभूमीवर, पंतप्रधान नरेंद्र मोदी सोमवारी विज्ञान भवन येथे ‘नारी शक्ती वंदन संमेलना’ला संबोधित केले. यावेळी पंतप्रधान मोदी ‘नारी शक्ती वंदन संमेलना’त सांगितले की, १६ एप्रिल रोजी संसदेत महिला आरक्षणावर ऐतिहासिक चर्चा सुरू होईल. त्यांनी याला २१ व्या शतकातील सर्वात मोठा आणि सर्वात निर्णायक निर्णय म्हटले.
पंतप्रधान नरेंद्र मोदी यांनी सोमवारी सकाळी ‘नारी शक्ती वंदन संमेलना’त हजेरी लावली, जिथे त्यांनी महिला सक्षमीकरणावर आपले विचार मांडले. त्यांनी नमूद केले की, या कार्यक्रमात माजी लोकसभा अध्यक्ष मीरा कुमार देखील उपस्थित होत्या.
पंतप्रधान यांनी सांगितले की, भारत २१ व्या शतकातील सर्वात मोठ्या निर्णयांपैकी एक निर्णय घेणार आहे. संसद इतिहास घडवण्याच्या उंबरठ्यावर आहे आणि १६ एप्रिल रोजी महिला आरक्षणावर चर्चा सुरू होईल, जी संसदेची प्रतिष्ठा नव्या उंचीवर नेईल.
यावेळी पंतप्रधान नरेंद्र मोदी यांनी सांगितले की, “हा निर्णय महिला शक्तीला, त्यांच्या सन्मानाला समर्पित आहे. आपला देश एक नवा इतिहास घडवणार आहे, जो भूतकाळातील संकल्प साकार करेल आणि भविष्यातील ध्येये साध्य करेल. आपण अशा भारताकडे वाटचाल करत आहोत, जिथे सामाजिक न्याय केवळ एक घोषणा नसेल, तर आपल्या कामकाजाचा एक नैसर्गिक भाग असेल.” तसेच अनेक दशकांपासून प्रलंबित असलेल्या या मुद्द्यावर आता निर्णायक वेळ आली आहे. “राज्य विधानमंडळांपासून ते संसदेपर्यंत, १६, १७ आणि १८ एप्रिल या तारखा या दिशेने महत्त्वपूर्ण ठरतील.”
२०२३ मध्ये नवीन संसद भवनात ‘नारी शक्ती वंदन कायदा’ सादर करण्यात आला होता आणि तो एकमताने मंजूर झाला होता. “हे अनेक पिढ्यांच्या आणि सर्व पक्षांच्या प्रयत्नांचे फळ आहे. आता त्याची अंमलबजावणी करण्याची वेळ आली आहे.” पंतप्रधानांनी सांगितले की, २०२९ पर्यंत हा कायदा लागू करण्याबाबत व्यापक एकमत आहे आणि हे लक्षात घेऊन संसदेत सविस्तर चर्चा होईल. या वेळीसुद्धा हे ऐतिहासिक पाऊल पुढे टाकण्यासाठी सर्व पक्ष एकत्र काम करतील, अशी आशा त्यांनी व्यक्त केली.
Delhi Breaking News : तीन तासांत दिल्ली हादरणार…! विधानसभेला पुन्हा बॉम्बने उडवण्याची धमकी
.png "Videos"){kind=small}
