पाटणाहून दिल्लीला जाणाऱ्या स्पाईसजेटच्या विमानाला आग

Follow Us:

Follow Us:

पाटणा : बिहारची (Bihar) राजधानी पाटणाहून (Patna) दिल्लीला (Delhi) जाणाऱ्या स्पाइसजेटच्या (SpiceJet) विमानात आग (Fire) लागली. यावेळी, विमानात अनेक प्रवासी असल्याने पाटणा विमानतळावर पुन्हा सुरक्षित लँडिंग झाल्याचे सांगण्यात येत आहे. आतापर्यंत कोणतीही जीवितहानी झाल्याचे वृत्त नाही.

विमानातील आगीची माहिती मिळताच पाटणा विमानतळ प्रशासन अलर्ट मोडवर आले. विमान उतरल्यानंतर प्रवाशांना विमानातून बाहेर काढले जात आहे. विमानाने उड्डाण करताच एका इंजिनमधून धूर निघताना दिसला. यानंतर विमानाने विमानतळावर सुरक्षित लँडिंग केले. विमानातील सर्व प्रवासी सुरक्षित असल्याचे सांगण्यात येत आहे. विमानाच्या इंजिनमध्ये आग कशामुळे लागली हे अद्याप समजू शकलेले नाही, असे पाटणाच्या एसएएसपीने मीडियाला सांगितले.

विमानतळाबाहेर रुग्णवाहिका तैनात करण्यात आल्या आहेत. गरज भासल्यास तातडीने वैद्यकीय उपचार करता येतील. विमानातील आग विझवण्याचे प्रयत्न सुरू आहेत. विमानतळावर अग्निशमन दलाच्या अतिरिक्त गाड्याही मागवण्यात आल्या आहेत. पाटणा-दिल्ली (Patna-Delhi Flight) विमानाने विमानतळावरून उड्डाण करताच डाव्या बाजूला असलेल्या इंजिनला आग लागली. फुलवारी शरीफ परिसरातील लोकांनी उडत्या विमानातून धूर निघताना बघितला. त्यानंतर तातडीने जिल्हा प्रशासनाला फोन करून माहिती दिली.

Web Title: Spicejet flight from patna to delhi caught fire nrgm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com