UP Politics: ‘एका दगडाच्या बदल्यात 10 दगड मारा…’; भाजप नेत्याचे वादग्रस्त विधान

शनिवारी मुझफ्फरनगरमधील एका कार्यक्रमात व्यासपीठावर बोलताना भाजपचे माजी आमदार विक्रम सैनी यांनी काँग्रेस नेते  आणि खासदार राहुल गांधी यांच्याबद्दल मोठे विधान केले.

Photo Credit- Social Media भाजप नेत्याचे वादग्रस्त विधान

Follow Us:

Follow Us:

उत्तर प्रदेश : मुझफ्फरनगर येथील भारतीय जनता पक्षाचे (भाजप) माजी आमदार विक्रम सैनी त्यांच्या विधानांमुळे पुन्हा एकदा चर्चेत आले आहेत. एका कार्यक्रमादरम्यान माजी आमदार विक्रम सैनी यांनी राहुल गांधी आणि मुस्लिमांबाबत केलेल्या विधानामुळे एकच खळबळ उडाली आहे. विक्रम सैनी यांच्या या विधानामुळे राजकीय आणि सामाजिक वर्तुळात एक नवीन वाद निर्माण झाला आहे. माजी आमदाराने राहुल गांधींच्या जाती आणि धर्मावर प्रश्नचिन्ह उपस्थित केले आणि दुकानदारांना त्यांच्या व्यवसायात मुस्लिमांना कामावर ठेवू नका असा सल्ला दिला.

शनिवारी मुझफ्फरनगरमधील एका कार्यक्रमात व्यासपीठावर बोलताना भाजपचे माजी आमदार विक्रम सैनी यांनी काँग्रेस नेते  आणि खासदार राहुल गांधी यांच्याबद्दल मोठे विधान केले. ते म्हणाले, “राहुल गांधींना कोणतीही जात किंवा धर्म नाही. राहुल गांधींच्या कागदपत्रांमध्ये धर्माचा उल्लेख नाही.  त्यांनी यावेळी “राहुल ख्रिश्चन आहेत, मुस्लिम आहेत की शीख आहेत,” असा प्रश्नही त्यांनी उपस्थित केला. इतकेच नव्हे तर, राहुल गांधी  ‘अनीतिमान’ आणि ‘देशद्रोही’ असल्याचाही आरोप केला.

पतीपासून वेगळे झालेल्या महिलेला भरणपोषण भत्ता मिळायला हवा की नाही

मुस्लिमांना कामावर न ठेवण्याचा सल्ला

विक्रम सैनी एवढ्यावरच थांबले नाहीत. त्यांनी दुकानदार आणि व्यावसायिकांना मुस्लिम समाजातील नागरिकांना  कामावर ठेवू नका असा सल्ला दिला. जर एखादा मुस्लिम कर्मचारी तुमच्या घरी आला तर तो तुमच्या कुटुंबातील महिलांकडे चुकीच्या हेतूने पाहू शकतो, असंही म्हटलं. तसेच,  आपल्या सुरक्षिततेच्या  लोकांना त्यांच्या घरात आणि दुकानांमध्ये फावडे आणि काठ्या ठेवाव्यात. दगडफेक झाल्यास ‘एका दगडाच्या बदल्यात दहा दगड’ फेकण्याची तयारी ठेवावी, असे आक्षेपार्ह विधानही त्यांनी यावेळी केले.

विक्रम सैनी म्हणाले, “दुकानांमध्ये मुस्लिमांना अजिबात कामावर ठेवू नका. जर तुम्ही  10 हजार रुपयांना मुस्लिमांना कामावर ठेवत असाल तर 15 हजार  रुपये देऊन हिंदूंना कामावर ठेवा. तुमच्या सुरक्षिततेसाठी, तुमच्या घरांमध्ये आणि दुकानांमध्ये फावडे आणि काठ्या ठेवा, असा सल्लाही त्यांनी दिला.

सुरक्षित प्रवासासाठी नितीन गडकरींचा महत्त्वपूर्ण निर्णय; अपघातग्रस्तांची मदत करणाऱ्यांना मिळणार मोठ बक्षीस

कोण आहेत विक्रम सैनी?

विक्रम सैनी हे भारतीय जनता पक्षाचे (भाजप) नेते आणि उत्तर प्रदेशातील राजकारणी आहेत. ते उत्तर प्रदेशातील मुझफ्फरनगर जिल्ह्यातील खतौली विधानसभा मतदारसंघाचे आमदार आहेत. विक्रम सैनी हे त्यांच्या वादग्रस्त वक्तव्यांमुळे आणि वक्तव्यांमुळे अनेकदा चर्चेत असतात. विक्रम सैनी यांनी २०१७ च्या उत्तर प्रदेश विधानसभा निवडणुकीत भाजपच्या तिकिटावर विजय मिळवला होता. शेतकरी आणि ग्रामीण विकासाशी संबंधित मुद्द्यांवर ते सक्रिय राहिले आहेत.

विक्रम सैनी हे त्यांच्या वादग्रस्त विधानांसाठी ओळखले जातात. त्यांनी अनेकदा धार्मिक आणि सामाजिक मुद्द्यांवर प्रक्षोभक टिप्पण्या केल्या आहेत, ज्यामुळे त्यांच्यावर टीका देखील झाली आहे. २०१३ च्या मुझफ्फरनगर दंगलीदरम्यानही त्याचे नाव पुढे आले होते. त्याच्यावर दंगल भडकवल्याचा आरोप होता, पण तो तो नाकारत आहे. सैनी हे त्यांच्या समर्थकांमध्ये तळागाळातील नेते म्हणून ओळखले जातात. त्यांची प्रतिमा एका कडक आणि स्पष्टवक्त्या नेत्याची आहे.

Web Title: Throw 10 stones in return for one stone bjp leaders controversial statement nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com